Вайна33

Кіеў атакавалі расійскія «Бандэролі». Што гэта за дрон-ракета і ці стануць атакі масавымі?

Расіяне падчас масаванага абстрэлу Кіева гэтай ноччу выкарысталі новы баражавальны боепрыпас «Бандэроль», які можа ляцець да 500 км і несці да 150 кг выбухоўкі. Агенцтва «РБК-Украіна» расказвае, чым небяспечны баражавальны боепрыпас і ці можа ён замяніць «Шахеды» пры атаках на сталіцу Украіны.

Дрон «Арыён», які з'яўляецца адным з носьбітаў «Бандэроляў»

Дзе вырабляюць «Бандэролі»

Па даных украінскай разведкі, распрацоўшчык ракеты — падсанкцыйнае прадпрыемства «Кранштат». Асноўным яе носьбітам з'яўляецца беспілотнік «Арыён» вытворчасці той жа кампаніі. Таксама робіцца адаптацыя вырабу для прымянення з ударных верталётаў Мі-28Н.

Характарыстыкі

Асаблівасцю ракеты з'яўляецца яе здольнасць выконваць павароты з меншым радыусам, чым у тыповых крылатых ракет расійскай вытворчасці (Х-101, 3М-14, 9М727, Х-69), захоўваючы пры гэтым характэрную траекторыю палёту крылатай ракеты.

«Бандэроль» забяспечаная баявой часткай масай да 150 кг; яна здольная пераадольваць адлегласць да 500 км з хуткасцю 500 км/г. У якасці паліва выкарыстоўваецца авіяцыйная газа.

З чаго складаецца дрон

Эксперты ГУР зафіксавалі выкарыстанне замежных кампанентаў, рэактыўны рухавік Swiwin SW800Pro кітайскай вытворчасці, акумулятарныя батарэі Murata (Японія), сервапрывады Dynamixel MX-64AR кампаніі Robotis з Паўднёвай Карэі, а таксама амаль два дзясяткі мікрачыпаў амерыканскіх, кітайскіх, швейцарскіх, японскіх і паўднёвакарэйскіх вытворцаў.

У чым ключавая перавага «Бандэролі» над «Шахедамі»

Авіяцыйны эксперт Канстанцін Крывалап у каментары «РБК-Украіна» адзначыў, што да ключавых пераваг «Бандэроляў» можна аднесці прыкметна большую хуткасць у параўнанні з дронамі, што можа дапамагчы боепрыпасу месцамі прарваць украінскую СПА.

Ён можа быць эфектыўным для таго, каб знішчаць нейкія адзінкавыя цэлі, але масавым ён не стане праз адносна высокі кошт у параўнанні з дронамі.

Ці могуць «Бандэролі» стаць сур'ёзнай пагрозай для Кіева?

«Гэты від узбраення мае даволі абмежаванае прымяненне. Яго можна запускаць альбо з верталёта, альбо з дронаў тыпу «Арлан». Для гэтага верталёт ці БпЛА трэба падняць у паветра, таму гэта не зусім зручная рэч», — гаворыць Канстанцін Крывалап.

Акрамя таго, паводле яго слоў, «Бандэроль» прыкладна ўтрая даражэйшая за «Шахед», таму не можа стаць масавай, бо сёння асноўны трэнд — гэта «шмат і танна». Пры гэтым гэты боепрыпас мае нават не ўдвая большую выбуховую частку, да таго ж з-за вялікіх габарытаў з'яўляецца зручнай цэллю для рэактыўнай авіяцыі і комплексаў СПА.

Уночы 15 чэрвеня Расія нанесла масаваны камбінаваны ўдар па Кіеве — дронамі, балістычнымі і крылатымі ракетамі.

У выніку атакі пашкоджанні зафіксавалі ў 10‑ці раёнах украінскай сталіцы, загінулі пяць чалавек, яшчэ больш за 30 атрымалі раненні.

Падчас атакі Расія прымяніла супраць Украіны больш за 680 сродкаў знішчэння — сярод іх «Цырконы», балістыка «Іскандэр», крылатыя ракеты і сотні беспілотнікаў розных тыпаў. СПА знішчыла або падавіла 632 паветраныя цэлі.

Каментары3

  • Маг
    15.06.2026
    Сьмерць акупантам стукачам і калябарантам .
  • Вранье про 632 цели
    15.06.2026
    А у ВСУ каждый дрон долетает, клоуны
  • Женя
    15.06.2026
    Князья Владимиры, договоритесь уже друг с другом. Хватит кошмарить свои народы.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць