Свет

ХАМАС абвясціў пра роспуск свайго ўрада ў сектары Газа

Палесцінская групоўка ХАМАС паведаміла пра роспуск структуры, якая кіравала сектарам Газа амаль два дзесяцігоддзі. Кіраўнік так званага Камітэта надзвычайнага кіравання Махамед аль-Фара падаў у адстаўку, а сам орган спыніў дзейнасць, піша Euronews.

Здымак ілюстрацыйны. Фота: AP Photo/Abdel Kareem Hana

У ХАМАС заявілі, што гэта рашэнне павінна палегчыць перадачу цывільнага кіравання Нацыянальнаму камітэту кіравання Газай (NCAG), які ўзначальвае палесцінскі тэхнакрат Алі Шаат.

Паводле заявы прадстаўнікоў руху, роспуск урада з'яўляецца «жэстам добрай волі» і сведчыць пра гатоўнасць адмовіцца ад непасрэднага кіравання сектарам Газа дзеля прасоўвання палітычнага ўрэгулявання.

ХАМАС кантраляваў сектар Газа з 2007 года пасля ўзброенага супрацьстаяння з рухам «Фатх». Пасля ўступлення ў сілу рэжыму спынення агню паміж ХАМАС і Ізраілем у кастрычніку 2025 года групоўка неаднаразова заяўляла пра гатоўнасць перадаць цывільныя паўнамоцтвы, аднак пытанне яе раззбраення застаецца нявырашаным.

Нацыянальны камітэт кіравання Газай некалькі месяцаў не мог пачаць працу ў анклаве, паколькі яго ўезд туды, як паведамляецца, блакаваў Ізраіль.

Прадстаўнікі ХАМАС таксама заявілі, што праінфармавалі іншыя палесцінскія палітычныя сілы пра сваё рашэнне падчас сустрэчы ў Каіры. Паводле іх слоў, удзельнікі перамоў віталі гэты крок як магчымасць паскорыць пераход да новай сістэмы цывільнага кіравання.

Нягледзячы на гэта, ключавыя пытанні другога этапу пасляваеннага ўрэгулявання — раззбраенне ХАМАС, вывад ізраільскіх войскаў і будучая сістэма кіравання сектарам Газа — па-ранейшаму застаюцца прадметам супярэчнасцяў.

Каментары

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць