Грамадства44

Стартавала галасаванне за птушку Беларусі 2027 года

Навукова-практычны цэнтр НАН Беларусі па біярэсурсах, інфармацыйны рэсурс «Смартпрэс» і кампанія «Дзікая прырода» пачалі выбары беларускай птушкі 2027 года. Арнітолагі і аматары прыроды прапанавалі кандыдатаў, і ў фінал выйшлі чатыры птушкі, піша тэлеграм-канал «Дзікая прырода побач».

На фота злева направа і зверху ўніз: вялікі баклан, чайка-рыбачка, качка-чырка і шчурка-пчалаедка

Чатыры птушкі, якія сёлета выйшлі ў фінал: 

Вялікі баклан — пералётны рыбаедны від, які гняздуецца на дрэвах ці на зямлі каля вадаёмаў. Трэба змяніць жорсткае і негатыўнае стаўленне беларусаў да гэтых птушак, распаўсюдзіць гуманныя метады рэгуляцыі колькасці і падыходы да змяншэння страт ад іх.

Качка-чырка — пералётная качка, якая зімуе ў Афрыцы. Колькасць зніжаецца глабальна. На гэтых птушак у нас дазволена і вясновае, і восеньскае паляванне. Было б добра забараніць вясновае паляванне на самцоў.

Чайка-рыбачка — за 33 гады колькасць у Еўропе ўпала на 76%. Амаль штогод калоніі чаек знішчаюць пры пашырэнні гарадоў. Гэта чайка — парасонавы від: пад яе абаронай гняздуюцца крычкі, коўры, качкі і кулікі. Асабліва цярпяць чайкі ад амерыканскай норкі, якая знішчае іх яйкі і птушанят. Таму ўсё часцей для гнездавання чайкі выбіраюць гарадскія дахі.

Шчурка-пчалаедка — чырванакніжная насякомаедная птушка, якая гняздуецца ў норах. Колькасць невялікая, але разам з пацяпленнем клімату від прасоўваецца на поўнач. Яе норы ў дзейных кар’ерах трэба абараніць перадачай пад ахову і арганізаваць маніторынг падчас гнездавання.

 Аддаць голас за аднаго з кандыдатаў можна да 23 жніўня ўключна на наступных пляцоўках арганізатараў кампаніі:

Галасы з усіх пляцовак будуць падсумоўвацца.

Прэзентацыі кандыдатаў даступныя тут.

Птушкай года Беларусі 2026 года па выніках аналагічнага галасавання быў абраны чорны бусел.

Каментары4

  • Няхай жыве і пасецца беларуская птушка
    12.08.2026
    Лось!
  • Ёсік
    12.08.2026
    Дык бакланы шкодзяць прыродзе сваім памётам, і ядуць шмат рыбы. Мо адразу спытайцеся ў гранатамётчыка, каб потым не выдумляць, чаму больш галасоў было за шчурка, а абралі качку.
  • Петрасяны
    13.08.2026
    Жарт з бакланам удалы. Трэба яшчэ караеда выбраць казуркай года.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць