Здарэнні

Беларускага наркамана арыштавалі ў Расіі. Каб не пасадзілі ў турму, давялося ахвяраваць на вайну

Каб атрымаць змякчальныя абставіны, Алег Пятрашка пераводзіў грошы ў Расійскі фонд дапамогі арміі. І дапамагло.

Гашыш. Фота: wikimedia.org

Ленінскі раённы суд Санкт-Пецярбурга вынес прысуд грамадзяніну Беларусі Алегу Пятрашку, якога затрымалі з наркотыкамі проста на вуліцы. Ён пазбегнуў рэальнага пакарання — сярод акалічнасцей, якія суд улічыў у яго карысць, аказаліся ахвяраванні «Расійскаму фонду дапамогі арміі» і ліст з удзячнасцю ад гэтай структуры.

Пятрашку затрымалі 15 красавіка 2025 года каля дома на вуліцы ў Пецярбургу — ён стаяў, аблакаціўшыся на будынак, калі да яго падышлі супрацоўнікі паліцыі і папрасілі дакументы. Мужчыну даставілі ў аддзяленне, дзе ён сам дастаў з правай кішэні джынсаў пакецік з рэчывам і патлумачыў, што гэта «гашыш», які ён набыў для ўласнага ўжывання.

Экспертыза паказала, што насамрэч гэта быў не гашыш, а сумесь з сінтэтычным наркотыкам MDMB(N)-2201 — вытворным ад метылавага эфіру, які ўваходзіць у расійскі спіс забароненых рэчываў. Маса рэчыва — 0,86 грама — па расійскім заканадаўстве кваліфікуецца як буйны памер, што адпавядае частцы 2 артыкула 228 Крымінальнага кодэкса Расіі (незаконнае захоўванне наркотыкаў без мэты збыту).

На допыце Пятрашка расказаў, што ўпершыню паспрабаваў наркотыкі ў 2024 годзе праз «складаныя жыццёвыя абставіны» і заказваў іх праз тэлеграм-канал з закладкамі. У дзень затрымання ён купіў грам «гашышу».

Пасля таго як забраў закладку каля аднаго з дамоў, частку рэчыва ён ужыў адразу, а рэшту паклаў у кішэню — і адчуў сябе кепска, зразумеўшы, што набыў зусім не тое, на што разлічваў.

Пятрашка поўнасцю прызнаў віну, і менавіта гэта, а таксама шэраг іншых акалічнасцей, сталі падставай для незвычайна мяккага прысуду. Сярод змякчальных фактаў, якія пералічыў суд: малады ўзрост падсуднага, хранічная хвароба сэрца, намер ажаніцца з грамадзянкай Расіі, станоўчыя характарыстыкі ад сяброў і суседзяў у Беларусі, граматы за спартыўныя дасягненні — і ахвяраванні ў дабрачынныя фонды. Побач з фондам «Гуманітарнае дзеянне», які дапамагае наркаспажыўцам і займаецца прафілактыкай ВІЧ і гепатыту, і фондам «Алёша», суд асобна згадаў удзячны ліст ад «Расійскага фонду дапамогі арміі».

Спалучэнне гэтых акалічнасцей суд прызнаў выключным і прызначыў пакаранне ніжэй за мінімальны парог, устаноўлены санкцыяй артыкула (звычайна ад трох да дзесяці гадоў пазбаўлення волі). У выніку Пятрашку прысудзілі ўсяго сем месяцаў зняволення — тэрмін, які ён ужо цалкам адседзеў у СІЗА.

Каментары

Цяпер чытаюць

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка14

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Усе навіны →
Усе навіны

Вадзім Галыгін: Я крыху стаміўся ад гумару. Хочацца паспрабаваць нешта іншае7

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

Міністр абароны Вялікабрытаніі: Пуцін халоднакроўны забойца4

Павел Белавус расказаў, як за кратамі даведаўся пра Нобелеўскую прэмію Бяляцкага

На фронце знайшлі загінулым 25‑гадовага беларуса з пазыўным «Дэкан»6

Расія рэкорднымі тэмпамі прадае золата, а Польшча за апошнія гады купіла яго найбольш за ўсіх у Еўропе10

Заснавальнік партала Realt.by прадае дом за $3 мільёны9

Як выглядае элітны клубны квартал нулявых у Мінску2

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе28

больш чытаных навін
больш лайканых навін

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка14

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Галоўнае
Усе навіны →

Заўвага:

 

 

 

 

Закрыць Паведаміць