Вайна66

Уіткаф і Кушнер ацанілі сустрэчу ў Кіеве. Зяленскі падарыў ім футболкі з надпісам «Київський режим»

«У нас адбылася вельмі значная, змястоўная і важная размова. Мы вельмі натхнёныя», — сказаў Стыў Уіткаф.

Фота: «РБК-Украіна»

Спецпрадстаўнікі прэзідэнта ЗША Стыў Уіткаф і Джарэд Кушнер у Кіеве зрабілі першыя заявы пра перамовы. 6 верасня яны ўпершыню прыбылі ва Украіну з візітам.

Уіткаф падзякаваў Уладзіміру Зяленскаму за гасціннасць і адзначыў, што паездка ва Украіну была «выдатнай». Паводле яго слоў, амерыканскі бок правёў змястоўную размову з украінскімі прадстаўнікамі, перадае «РБК-Украіна».

«У нас адбылася вельмі значная, змястоўная і важная размова. Мы вельмі натхнёныя. Мы плануем заставацца тут столькі, колькі спатрэбіцца», — заявіў Уіткаф.

Кушнер перадаў Зяленскаму павагу ад прэзідэнта ЗША Дональда Трампа.

Ён адзначыў, што Трамп лічыць сітуацыю, якая склалася, складанай, бо гаворка ідзе не толькі пра заканчэнне вайны, але і пра стварэнне ўмоў для доўгатэрміновага міру.

Паводле слоў Кушнера, амерыканскі прэзідэнт хоча, каб пасля завяршэння вайны Украіна магла выкарыстаць свой патэнцыял для аднаўлення і развіцця.

«Трамп вельмі гэтага хацеў бы. Ён не баіцца складаных задач — чым складанейшая задача, тым настойлівей трэба працаваць і аддаваць усё, што ў цябе ёсць», — дадаў Кушнер.

Ён таксама заявіў, што Трамп імкнецца спыніць смерці, а затым аднавіць інвестыцыі і эканамічнае супрацоўніцтва, што мусіць спрыяць росквіту Украіны і Еўропы.

«Мы спадзяёмся, што па выніках гэтай паездкі мы знойдзем новы шлях да міру», — заявіў прадстаўнік ЗША.

Як піша Financial Times, Уіткаф і Кушнер прывезлі ў Кіеў абноўленыя версіі ранейшых дакументаў. Але прынцыпова новых ідэй там няшмат, бо перашкодай застаецца жаданне Пуціна цалкам захапіць Данбас. На сустрэчы пагадзіліся, што вайна наўрад ці скончыцца да зімы. 

Пасля перамоў у Кіеве Зяленскі падарыў Уіткафу і Кушнеру футболкі з надпісам «Київський режим».

Каментары6

  • Bielarus4ever
    06.09.2026
    Маскоўскі рэжым нелегітымны ў кожным разе, якую дату не называй, 2020, 2012, 1999, 1996, 1993, 1991, 1956, 1929, 1917, 1801, 1762, 1613, 1612...
  • Запанкі
    06.09.2026
    Добра, што ўжо не з надпісам "Квартал 95".
  • Occulted
    06.09.2026
    маскоу́ская філія залатой арды - вораг цывілізацыі .

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе13

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

Проста зняць лазню ў аграсядзібе больш не выйдзе. Для ўладальнікаў і гасцей запрацавалі новыя правілы6

Пасля выкрыцця спробы палітычнага забойства Данія абмяжоўвае выдачу віз расіянам і выкідае з краіны расійскага аташэ

«Табе яшчэ прыйдзецца выбачыцца». Ціханоўскі адказаў Севярынцу125

Міністр абароны Германіі заклікаў еўрапейцаў ехаць да Пуціна ў Маскву9

УСУ вызвалілі 14 вёсак на Харкаўшчыне. Аперацыя «Мядзведжы капкан» праходзіла ў рэжыме поўнай сакрэтнасці7

Памёр мастак Юрый Несцярук1

У Івана-Франкоўскай вобласці расійская ракета прабіла дах дома, але не выбухнула ФОТА

Пад антарктычнымі льдамі знайшлі сляды гор, якія дапамаглі эвалюцыі

У Жлобінскім раёне машына наляцела на каня. Кіроўцу давялося з салона выразаць2

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе13

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць