Вайна

Ва Украіне амаль скончыліся ракеты для F-16, якімі збіваюць рэактыўныя дроны

Украіна распрацоўвае ўласныя дроны-перахопнікі для процідзеяння расійскім беспілотнікам, аднак сітуацыя з абаронай ад балістычнай зброі яшчэ больш складаная.

Фота: Artur Widak/NurPhoto via Getty Images 

Ва Украіне амаль вычарпаліся запасы ракет амерыканскай вытворчасці AIM-120 і AIM-9 для знішчальнікаў F-16, якімі перахопліваюць расійскія крылатыя ракеты і новыя рэактыўныя дроны, піша «Украінская праўда» са спасылкай на Economist.

Украінскай супрацьпаветранай абароне не стае ракет для збівання новых расійскіх БПЛА «Герань-4» і «Герань-5», якія лятаюць з хуткасцю да 600 км/г, а тэмпы іх вытворчасці ў Расіі дасягаюць каля 3000 адзінак на месяц.

Турбарэактыўныя рухавікі для іх пераважна паступаюць з Кітая, аднак частку агрэгатаў вырабляюць непасрэдна ў РФ на кантрабандных заходніх 3D-прынтарах. Разам з больш буйнымі дронамі «Бандэроль» гэтыя беспілотнікі ўсё больш нагадваюць недарагія крылатыя ракеты, для знішчэння якіх знішчальнікам F-16 крытычна не стае ракет AIM-120 і AIM-9.

Украіна распрацоўвае ўласныя дроны-перахопнікі для процідзеяння расійскім БПЛА, аднак сітуацыя з абаронай ад балістычнай зброі яшчэ больш складаная.

Цяпер украінскія запасы ракет PAC-3 для сістэм Patriot амаль вычарпаныя. Новыя маштабныя пастаўкі са ЗША малаверагодныя з-за знясілення амерыканскіх складоў у выніку вайны з Іранам.

Адначасова Расія нарасціла вытворчасць балістычных ракет прыкладна да 100 адзінак у месяц: 60 ракет «Іскандэр-М» і 40 ракет RM-48U.

Пэўныя чаканні звязваюць з будучай перадачай Украіне некалькіх больш старых франка-італьянскіх батарэй СПА SAMP/T разам з ракетамі Aster да канца 2026 года. У наступным годзе Украіна павінна атрымаць восем найноўшых комплексаў версіі SAMP/T NG.

«У адрозненне ад PAC-3, якая выкарыстоўвае кінетычны перахоп (прамое траплянне), ракета Aster абсталяваная баявой часткай, якая выбухае побач з варожай ракетай. Аднак крыніцы ў французскім войску сцвярджаюць, што ў некаторых аспектах яна пераўзыходзіць Patriot. Яе кошт таксама складае менш за палову ад 7 мільёнаў даляраў — цаны апошняй экспартнай версіі PAC-3», піша Economist.

Па ліцэнзіі ў Германіі плануюць вырабляць да 200 менш магутных ракет PAC-2 на год, частка з якіх можа паступіць ва Украіну са згоды краін NATO.

Фундаментальна змяніць сітуацыю закліканы сумесны еўрапейска-ўкраінскі праект Freyja, маштабнасць якога параўноўваюць з праграмай «палёту на Месяц». Яго мэта — даць Украіне і яе еўрапейскім саюзнікам значна больш танную і масавую альтэрнатыву ракетам PAC-3, якая будзе працаваць з радарамі і сістэмамі перадачы даных стандарту NATO.

Запланаваны перахопнік базуецца на ўкраінскай балістычнай ракеце малой далёкасці FP-7. Сэнсары, сістэмы навядзення і кіравання будуць пастаўляць 12 еўрапейскіх абаронных кампаній, сярод якіх французская Thales, італьянская Leonardo, нямецкая Diehl і шведская Saab.

Каментары

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку13

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

У Брэсцкім універсітэце правялі паказальны суд за «абразу Лукашэнкі»5

«Выгуляю сабаку за 5 еўра». Як айцішнік выжывае ў Іспаніі — у Польшчы яго звольнілі за тое, што пераехаў7

У Гданьску беларус сказаў паліцэйскім, што ўдзельнічае ў конкурсе па пошуку схаваных наркотыкаў2

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку13

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць