Грамадства3131

Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі

Лукашэнка прызначыў Паўла Муравейку намеснікам кіраўніка Адміністрацыі прэзідэнта. Раней ён займаў пасаду начальніка Генеральнага штаба Узброеных сіл — першага намесніка міністра абароны. Прычым перасадзілі на новую пасаду яго праз два дні пасля таго, як яму споўнілася 55 гадоў.

Генерал-маёр Уладзімір Белы (злева), фота Мінабароны. Генерал-маёр Павел Муравейка (справа). Фота Sb.by

Генерал-маёр Павел Муравейка мае рэпутацыю цвердалобага нават па мерках цяперашняй сілавой вярхоўкі.

55‑гадовы Павел Муравейка нарадзіўся ў Мар'інай Горцы 26 верасня 1971 года. У 1992‑м скончыў Мінскае вышэйшае вайскова-палітычнае агульнавайсковае вучылішча. Пасля Муравейка паступіў у мінскую Вайсковую акадэмію, якую скончыў у 2001-м. Праз некалькі гадоў вучыўся ў Расіі — у Акадэміі Генштаба РФ. Скончыў яе ў 2008‑м з залатым медалём.

Муравейка займаў пасаду начальніка першага ўпраўлення Галоўнага вайсковага ўпраўлення Генштаба. У 2013‑м яго паставілі кіраваць Галоўным аператыўным упраўленнем і далі генеральскае званне.

У 2022‑м генерала перавялі на пасаду першага намесніка дзяржаўнага сакратара Рады бяспекі Беларусі. 

Ёсць у Муравейкі і расійская ўзнагарода. У 2019 годзе расійскі пасол Міхаіл Бабіч уручыў яму ордэн Дружбы.

Палітык Павел Латушка называў Муравейку разам з генералам Аляксандрам Вальфовічам расійскім лобі ў беларускім сілавым блоку. 

Генерал-маёр Павел Муравейка. Фота Sb.by

Генштабам Муравейка кіраваў ад 2024 года. Там ён змяніў генерал-маёра Віктара Гулевіча, які, па нашай інфармацыі, у 2022 выступіў супраць удзелу беларускіх вайскоўцаў ва ўварванні ва Украіну.

У Генштабе Муравейку, у сваю чаргу, сёння змяніў генерал-маёр Уладзімір Белы. Белы зусім нядаўна, з 8 ліпеня 2026 года, працаваў намеснікам міністра абароны. Да таго ён узначальваў галоўнае ўпраўленне баявой падрыхтоўкі Узброеных сілаў. 

Генерал-маёр Уладзімір Белы, фота Мінабароны

Нарадзіўся ён 17 лютага 1977 года ў вёсцы Мікалаеўшчына Стаўбцоўскага раёна. Выходзіць, ён зямляк Якуба Коласа.

Ён скончыў камандна-штабны факультэт Вайсковай акадэміі з адзнакай і залатым медалём. А пасля — факультэт Генеральнага штаба Узброеных Сіл Вайсковай акадэміі.

Прайшоў шлях ад камандзіра ўзвода ў 120‑й гвардзейскай мотастралковай дывізіі да намесніка камандзіра батальёна ў 120‑й гвардзейскай асобнай механізаванай брыгадзе Паўночна-заходняга аператыўнага камандавання. Пасля быў начальнікам штаба ў 19‑й асобнай механізаванай брыгадзе і 103‑й гвардзейскай асобнай мабільнай брыгадзе, камандаваў гвардзейскай асобнай паветрана-дэсантнай брыгадай, а затым стаў начальнікам штаба — першым намеснікам камандуючага Сіламі спецыяльных аперацый.

Пазней Белы заняў пасаду начальніка факультэта Генеральнага штаба Узброеных Сіл — намесніка начальніка Вайсковай акадэміі Рэспублікі Беларусь.

Быў камандуючым Заходнім аператыўным камандаваннем.

У адрозненне ад Муравейкі, Уладзімір Белы ў Расіі не вучыўся.

Каментары31

  • Аць два
    28.09.2026
    Ну, гэта нармальна для хунты. Генералаў у Лу хопіць на ўсе пасады.
  • 123
    28.09.2026
    Комичный крутой теперь по ходу по стойке смирно каждый день будет ходить по кабинету, упал/отжался
  • 2020
    28.09.2026
    Як добра што я некалі звольніу́ся адтуль, з гэтага лайна

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць