Усяго патроху1818

Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні

Палац Чапскіх у вёсцы Прылукі, што ў Мінскім раёне, пасля некалькіх пастоў блогераў на фоне мясцовых дэкарацый стаў сапраўднай Мекай для беларусаў, якія таксама захацелі сабе кадры ў стылі «Прыцемак» ці «Навальнічнага перавалу».

Праўда, пакуль чарговы турыст радуецца ўдаламу здымку, мясцовыя абураюцца: «Машын — безліч. Дзяўчаты то ў трусах, то аголеныя. Смецце кідаюць. Хочацца шлагбаум».

Фота: Threads

У сацсетках — дзясяткі свежых фота з Прылукаў. Беларусы самі прызнаюцца, што «паддаліся агульнаму псіхозу і трэнду» і не маглі застацца без сваёй восеньскай фотапаштоўкі на фоне сядзібнага комплексу, які за час свайго існавання нёс то функцыю праваслаўнага мужчынскага манастыра, то ўладанняў графаў Гутэн-Чапскіх, то дома адпачынку НКУС, то камендатуры немцаў і нават станцыі па абароне бульбы ад каларадскага жука.

На выходных на ўездзе ў Прылукі назіраліся дзясяткі машын, маршруткі і ўсё новыя порцыі людзей са смартфонамі і фотаапаратамі. Знаўцы даюць параду: «Хочаце ўбачыць Прылукі без сціжмы людзей і бясконцых шэрагаў машын — стаўце будзільнік на пятую раніцы».

Тыя, хто праспаў да 8‑й і даехаў да Прылук толькі аб 11-й, адзначаюць, што «ўжо было цеснавата».

Толькі невялікая частка кантэнту з вёскі за выходныя 

Палацавая частка комплексу адрэстаўраваная, але ў кадры фатографаў часцей трапляюць некранутыя яго часткі — гаспадарчыя аб’екты, сярод якіх свіран, домік для рабочых і стайня.

Такая рэзкая цікаўнасць да Прылукаў падабаецца не ўсім мясцовым жыхарам:

«Пакіньце Прылукі ў спакоі, як было яшчэ тыдзень таму».

«Мы тут жывём і цяпер не можам праехаць, прыпаркавацца».

«Было б здорава, каб гэтыя турысты не пакідалі пасля сябе смецце і прыбіралі за сабакамі».

Некаторыя вязуць з сабой у Прылукі тэматычнае адзенне для большай атмасфернасці здымкаў. Фота: Threads

Хаця не ўсе падзяляюць негатыў лакальнага насельніцтва. «Гэта ж наадварот выдатна, што ў беларусаў прачнулася цікаўнасць да свайго, хай і такім спосабам», — абараняюць турыстаў «на хайпе» некаторыя каментатары.

«Спадзяюся, што са з'яўленнем вялікай колькасці людзей у Прылукі паступяць не толькі горы смецця, а добрае фінансаванне», — выказвае надзею яшчэ адна беларуска.

Каментары18

  • беларусы-коцікі?
    19.10.2026
    дзе ж славутая беларуская гасціннасць?
  • !
    19.10.2026
    Смецця шмат пасля гэтых турыстау́
  • UFO
    19.10.2026
    [Рэд. выдалена]

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць