Свет55

Рубіа дапусціў, што ЗША затрымліваюць перадачу Украіне купленых Еўропай ракет-перахопнікаў

Дзяржаўны сакратар ЗША Марка Рубіа дапусціў, што магла адбыцца затрымка з пастаўкай Украіне ракет-перахопнікаў, набытых саюзнікамі Кіева ў межах праграмы PURL — спісу прыярытэтных патрэбаў Украіны. Пры гэтым ён адхіліў сцвярджэнні, што затрымка стала вынікам наўмыснага палітычнага рашэння Вашынгтона, піша Deutsche Welle.

Марка Рубіа. Фота: Kylie Cooper/Pool Photo via AP

20 кастрычніка, размаўляючы з журналістамі перад паездкай у Індыю, Рубіа заявіў, што не было ніякага свядомага палітычнага распараджэння, мэтай якога было б нанесці шкоду Украіне. Паводле яго слоў, наўмысна Украіне ні ў чым не адмаўлялі.

Пазней, ужо знаходзячыся ў Індыі, кіраўнік Дзярждэпартамента адзначыў, што прэзідэнт ЗША Дональд Трамп расчараваны абвінавачваннямі ў тым, што ён свядома шкодзіць Украіне. У прыватнасці, гэта тычыцца сцвярджэнняў, быццам Трамп распарадзіўся спыніць перадачу Кіеву амерыканскіх разведвальных звестак. Рубіа падкрэсліў, што такія абвінавачванні не адпавядаюць рэчаіснасці.

Па словах Рубіа, ягоная размова з прэзідэнтам Украіны Уладзімірам Зяленскім працягвалася 45 хвілін. Зяленскі паведаміў, што яны абмяркоўвалі пастаўкі ракет для перахопу балістычных ракет, ранняе папярэджанне пра расійскія атакі, а таксама працу спадарожнікавых сэрвісаў Starlink і Starshield кампаніі SpaceX, якімі ўкраінскія вайскоўцы карыстаюцца для кіравання беспілотнікамі і сувязі на фронце.

Напярэдадні, 19 кастрычніка, Зяленскі падчас анлайн-размовы з амерыканскімі сенатарамі Рычардам Блюменталем і Томам Цілісам заявіў, што ЗША затрымліваюць перадачу Украіне ракет, за якія ўжо заплацілі яе саюзнікі ў межах праграмы PURL. Паводле ўкраінскага прэзідэнта, адзін з падрыхтаваных да адпраўкі пакетаў ракет чакае подпісу міністра абароны ЗША Піта Хегсета.

Зяленскі таксама адзначыў, што еўрапейскія партнёры чакаюць дазволу Вашынгтона на перадачу Украіне ракет-перахопнікаў для сістэм Patriot са сваіх запасаў. На яго думку, гэта можа сведчыць пра палітычнае рашэнне запаволіць аказанне дапамогі Кіеву.

Акрамя таго, Зяленскі заявіў, што апошнім часам Украіна тройчы не атрымлівала ад ЗША папярэджанняў пра расійскія ўдары балістычнымі ракетамі. Кіеў таксама не атрымаў вычарпальных тлумачэнняў наконт абмежаванняў на выкарыстанне Starshield — вайсковага камунікацыйнага сэрвісу на базе тэхналогій Starlink. Украінскі прэзідэнт назваў гэтыя дзеянні амерыканскага боку цяжкімі для разумення ў адносінах паміж сябрамі.

Пры гэтым Украіна, паводле Зяленскага, гатовая на 30 дзён спыніць удары па расійскіх нафтаперапрацоўчых заводах, як таго патрабуе Дональд Трамп. Аднак Кіеў ставіць умовай такога кроку перадачу яму ракет-перахопнікаў для сістэм Patriot.

Каментары5

  • Качка
    20.10.2026
    Рубіа, Рубіа, Рубіа! Калі нешта ходзіць як качка й кракае як качка — значыць, гэта качка. Нам відавочна, што гэтая затрымка наўмысная й мае палітычны характар. Тым часам Расея забівае нявінных, безабаронных украінцаў.
  • стаміліся перамагаць
    21.10.2026
    Якое неверагоднае супадзенне - адначасова затрымалася адпраўка ракет для патрыётаў, запаволіўся старлінк і спыніліся папярэджанні пра ракетыя стайкі з расеі.
    Бягучая амерыканская адміністрацыя лічыць, што ўсе такія ж дурні, як ядравы электарат мага.
  • Алекс
    21.10.2026
    Лжет.

Цяпер чытаюць

Від на Каложскую царкву безнадзейна сапсаваны2

Від на Каложскую царкву безнадзейна сапсаваны

Усе навіны →
Усе навіны

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой55

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін10

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

больш чытаных навін
больш лайканых навін

Від на Каложскую царкву безнадзейна сапсаваны2

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць