Грамадства33

Паміж вакзалам і праспектам Незалежнасці ў Мінску з'явіцца новы будынак

У цэнтры Мінска, паміж чыгуначным вакзалам і праспектам Незалежнасці, плануюць пабудаваць новы шматфункцыянальны будынак. Заказчыкам праекта выступае Беларускі дзяржаўны ўніверсітэт, а архітэктурную канцэпцыю распрацаваў інстытут «Белдзяржпраект», піша Domovita.by.

Пад будаўніцтва выдзелілі ўчастак плошчай 0,4054 гектара, гэта значыць крыху больш за 4 тысячы квадратных метраў. Ён знаходзіцца побач з галоўным корпусам БДУ, хімічным і геаграфічным факультэтамі ўніверсітэта. Непадалёк размешчаныя Прывакзальная плошча і станцыя метро «Плошча Леніна». Цяпер гэтая тэрыторыя адносіцца да земляў агульнага карыстання.

Пакуль невядомыя ні дакладная колькасць паверхаў у будынку, ні выгляд яго фасадаў. Візуалізацыі і іншыя матэрыялы праекта абяцаюць апублікаваць да пачатку грамадскага абмеркавання. Архітэктарам трэба ўпісаць новую пабудову ў наяўную забудову цэнтра горада з улікам вышыні, аб’ёму і прызначэння аб’екта, а таксама генеральнага плана Мінска.

Для гэтага квартала пакуль не зацверджаны праект дэталёвага планавання, які вызначае параметры забудовы тэрыторыі. Таму канцэпцыю вынеслі на грамадскае абмеркаванне яшчэ да пачатку праектавання.

Абмеркаванне будзе праходзіць з 26 кастрычніка да 10 лістапада 2026 года ўключна. Усе схемы і ілюстрацыі размесцяць на сайце адміністрацыі Маскоўскага раёна ў раздзеле «Грамадскія абмеркаванні». З 29 кастрычніка да 10 лістапада там таксама будзе даступная анлайн-трансляцыя з прэзентацыяй праекта.

Гараджане змогуць дасылаць свае заўвагі і прапановы ў адміністрацыю Маскоўскага раёна. Гэта можна будзе зрабіць звычайнай поштай па адрасе: праспект Дзяржынскага, 10, або праз электронную пошту [email protected]. У звароце неабходна пазначыць, што ён тычыцца грамадскага абмеркавання.

Пасля завяршэння абмеркавання ўсе атрыманыя меркаванні разгледзіць архітэктурна-горадабудаўнічая рада пры галоўным архітэктары Мінска, а раённая камісія падвядзе вынікі ў заключным пратаколе.

Каментары3

  • Канкурэнцыя
    20.10.2026
    І зараз мапід туды бахне панэлечку на 16 паверхаў, ля мёд 😍
  • Архитектар
    20.10.2026
    Ведь всем известно, что минск расположен на острове.
  • Не то слово
    21.10.2026
    Архитектар, можно Минское море начать осушивать. Как в Нидерландах.

Цяпер чытаюць

Від на Каложскую царкву безнадзейна сапсаваны

Від на Каложскую царкву безнадзейна сапсаваны

Усе навіны →
Усе навіны

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой55

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін9

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

Google зрабіла стаўку на тэхналогію, якая для здабычы электрычнасці выпарвае горныя пароды5

больш чытаных навін
больш лайканых навін

Від на Каложскую царкву безнадзейна сапсаваны

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць