Грамадства2121

«Кіберпартызаны» і група Silent Crow заявілі пра ўзлом Расстата і атрыманне даных пра ваенныя страты

Беларускія «Кіберпартызаны» і хакерская група Silent Crow сцвярджаюць, што ўзламалі і знішчылі ўнутраную ІТ-інфраструктуру Федэральнай службы дзяржаўнай статыстыкі Расіі. Паводле іх заявы, яны скапіявалі каля 23 тэрабайтаў інфармацыі, сярод якой — звесткі, звязаныя з расійскімі стратамі ў вайне супраць Украіны.

Пра сумесную аперацыю Silent Crow паведаміла ў сваім тэлеграм-канале. Паводле групы, доступ атрымалі да значнай часткі інфраструктуры Расстата: цэнтральнага апарата, рэгіянальных падраздзяленняў і Галоўнага міжрэгіянальнага цэнтра апрацоўкі і распаўсюджвання статыстычнай інфармацыі.

Хакеры сцвярджаюць, што пад іх кантролем апынуліся каля 25 тысяч камп’ютараў. Яны таксама паведамляюць пра доступ да сервераў кіравання сеткамі і сістэм віртуалізацыі ZVIRT, oVirt і VMware ESXi.

Сярод скапіяванага Silent Crow называе сістэму электроннага дакументаабароту, базы са статыстычнай, эканамічнай і персанальнай інфармацыяй, матэрыялы перапісаў, унутраныя дакументы і даныя з працоўных камп’ютараў супрацоўнікаў.

Асобна ў заяве згадваюцца звесткі, якія датычаць ваенных страт Расіі ва Украіне, у тым ліку даныя ў сістэмах Расстата. Якая менавіта гэта інфармацыя і за які перыяд, аўтары не ўдакладнілі.

Паводле групы, каля двух тэрабайтаў дакументаў атрымалі з часткі інфраструктуры для інфармацыі з пазнакай «Для службовага карыстання». Агульны аб’ём скапіяванага яны ацэньваюць прыкладна ў 23 тэрабайты.

«Маштаб таго, што адбылося, выходзіць далёка за межы кампраметацыі асобных сервераў ці ўліковых запісаў карыстальнікаў», — сцвярджаюць аўтары заявы.

Яны паведамляюць не толькі пра атрыманне даных, але і пра знішчэнне ўнутранай ІТ-інфраструктуры ведамства.

Silent Crow і беларускія «Кіберпартызаны» ўжо абвяшчалі пра сумесныя аперацыі. У канцы ліпеня 2025 года яны заявілі пра ўзлом ІТ-сістэм «Аэрафлота». 

Каментары21

  • Ваў!
    01.11.2026
    Віншуем і чакаем інфу!!
  • Генерал Раймон
    01.11.2026
    Хай бы тыя Кіберпартызаны ў сваім вагародзе спачатку разабраліся, каб чарговая Мельнікава не абвяла іх вакол пальца і не прашчыравала іх заробкі.
  • ???
    01.11.2026
    Это те киберпартизаны, в которых щигельский?

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць