Грамадства66

Былы слесар вайсковай часці ў Плешчаніцах ішоў на рэкорд па колькасці судзімасцяў — але знік у першым жа мясным штурме

46‑гадовы Віталь «Бульбаш» Максімовіч з Лагойскага раёна назбіраў мінімум 12 крымінальных спраў у Беларусі. А былі ж прыгоды і ў Расіі.

Віталь Максімовіч. Фота: Vk.com

Віталь Максімовіч нарадзіўся ў 1980 годзе, ён паходзіць з вёскі Стайкі Лагойскага раёна.

Са звестак Belpol, першы раз яго асудзілі яшчэ ў 1998 годзе — ён без дай прычыны пабіў вайскоўца часці №27897 у сталовай той жа часці. Відаць, гэта здарылася падчас тэрміновай службы самога Максімовіча.

Факт бойкі не перашкодзіў пазней уладкавацца ў тую ж часць слесарам. Максімовіч працаваў у в/ч №27897 (база тэхнікі ў Плешчаніцах) з 2006 да 2012 года. У часці на многае заплюшчвалі вочы. 

У 2005 годзе Максімовіч скраў машыну. У 2008 годзе скраў тэлефон. Потым былі іншыя крадзяжы, рабаванні і хуліганствы.

На 2021 год у Максімовіча назбіралася ў Беларусі 12 судоў па крымінальных справах.

З часам ён перабраўся ў Расію — у горад Гатчына непадалёку ад Санкт-Пецярбурга. Нібыта ўзяўся за галаву — сышоўся з жанчынай, нарадзілася дзіця. Але чарговая п'янка запусціла механізм, які і прывёў Максімовіча да знікнення ва ўкраінскіх палях.

У маі 2025 года беларус піў разам з сужыцелькай і суседам. Сужыцелька паскардзілася на Максімовіча, сусед стаў на яе бок. Скончылася бойкай — беларус паламаў апаненту рэбры і скулу.

Паколькі для Расіі Максімовіч лічыўся раней несудзімым — 12 беларускіх крымінальных спраў не прымаюць да ўвагі, — то яму ў лютым 2026 года далі два з паловай гады калоніі, але ўмоўна.

Што адбылося далей, не зусім зразумела. Магчыма, што беларус адразу ж стаў парушаць умовы і ўрэшце паехаў па этапе. Бо ўжо ў маі 2026 года ён падпісаў кантракт з расійскім войскам, прычым ажно ў Арэнбургу.

Далей болей. 16 мая 2026 года — навучанне ў Арэнбургу. 31 мая 2026 года — першае баявое заданне пад Сялідава (Пакроўскі раён Данецкай вобласці). 1 чэрвеня 2026 года — апошні званок і страта сувязі.

З 6 чэрвеня 2026 года Віталь Максімовіч афіцыйна прызнаны зніклым без вестак. Інфармацыю аб апошніх днях жыцця беларускага джэнтльмена ўдачы цяпер шукаюць яго сваякі ў профільных чатах. 

Каментары6

  • Гойда
    03.11.2026
    Морда не обремененная интеллектом
  • !!!
    03.11.2026
    Адным Дурнем меней...))))))
  • дякуємо
    03.11.2026
    хлопцям з України!

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць