Эканоміка

ЗША ўвялі санкцыі супраць кіраўніка кампаніі Armory Alliance, якая працуе ў Беларусі, за садзейнічанне закупкам зброі для Ірана

Дзярждэпартамент ЗША 4 лістапада абвясціў пра санкцыі супраць кіраўніка кампаніі Armory Alliance, якая базуецца ў Беларусі, Махамеда Алі Талібава. Амерыканскія ўлады абвінавачваюць яго ў садзейнічанні закупкам пераносных зенітных ракетных комплексаў (ПЗРК) для Ірана, піша Reform.news. 

Як паведамляе Дзярждэпартамент, Armory Alliance выступала пасярэднікам паміж кітайскімі кампаніямі і Іранам і ўдзельнічала ў спробах арганізаваць набыццё сотняў ПЗРК. Паводле сцвярджэння ведамства, Талібаў як кіраўнік кампаніі садзейнічаў закупкам зброі ў інтарэсах Тэгерана.

Armory Alliance і сам Талібаў ужо знаходзіліся пад амерыканскімі санкцыямі. Цяперашняе рашэнне ўводзіць у дачыненні да кіраўніка кампаніі дадатковыя абмежаванні на падставе прэзідэнцкага ўказа № 13949, які датычыцца дзейнасці, звязанай са звычайнымі ўзбраеннямі Ірана.

Акрамя Талібава, пад санкцыі трапіў Алішэр Дамуладжанаў, які знаходзіцца ў Расіі. Паводле звестак Дзярждэпартамента, ён удзельнічаў у спробах арганізаваць закупкі ПЗРК для Ірана.

Трэці фігурант — нігерыйская кампанія Vanguard Tactical Supply Limited. Амерыканскія ўлады сцвярджаюць, што яна садзейнічала набыццю ПЗРК кітайскай вытворчасці для Ірана з выкарыстаннем фіктыўных канчатковых карыстальнікаў. Гэтая кампанія таксама раней знаходзілася пад санкцыямі ЗША.

Абмежаванні прадугледжваюць блакаванне маёмасці фігурантаў, якая знаходзіцца ў ЗША або пад кантролем амерыканскіх асоб. Амерыканскім грамадзянам і кампаніям, за прадугледжанымі выключэннямі, забароненыя аперацыі з іх удзелам. Блакаванне распаўсюджваецца і на арганізацыі, якімі асобы, уключаныя ў санкцыйны спіс, наўпрост або ўскосна валодаюць на 50% і больш.

У Дзярждэпартаменце назвалі гэтае рашэнне працягам кампаніі супраць іранскіх сетак закупкі ўзбраенняў. Раней санкцыі, звязаныя з закупкамі ПЗРК, уводзіліся 8 мая, 10 чэрвеня і 15 ліпеня 2026 года. Новыя меры ведамства звязала з аперацыяй Economic Outcast і забеспячэннем выканання абмежаванняў ААН у дачыненні да Ірана, адноўленых у верасні 2025 года.

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць