І другі нацыянальны акадэмічны тэатр, Коласаўскі, абсадзілі рэжысёрам з Масквы
Спектакль да 100‑годдзя тэатра ставіць не беларус, а расіянін.

Юбілейную пастаноўку Нацыянальнага акадэмічнага драматычнага тэатра імя Якуба Коласа ў Віцебску даручылі маскоўскаму рэжысёру Андрэю Любімаву. Ён рыхтуе «Сінюю птушку» паводле Морыса Метэрлінка. Прэм’ера запланаваная на 12 снежня.
Мастацкі кіраўнік Коласаўскага Канстанцін Ганчароў у каментары «СБ» назваў будучую пастаноўку спектаклем пра сам тэатр і памяць пакаленняў.
«Мы хочам, каб менавіта гэтая праца стала галоўным сімвалам нашага стагоддзя», — заявіў ён.
66‑гадовы Андрэй Любімаў — заснавальнік і мастацкі кіраўнік маскоўскага драматычнага тэатра «АпАРТе».
Запрашэнне расійскіх творцаў ужо стала звычайнай практыкай для іншага нацыянальнага тэатра — Купалаўскага. У сакавіку 2026 года яго мастацкім кіраўніком прызначылі расіяніна Дзмітрыя Акімава, які да гэтага працаваў у расійскіх правінцыйных тэатрах Чарэмхава, Томска і Матыгіна.
Яшчэ раней, пасля сыходу амаль усёй трупы ў 2020 годзе, у Купалаўскі пачалі набіраць акцёраў з Расіі. Беларускую мову ім давялося асвойваць ужо для працы ў тэатры.
-
Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі
-
Вольныя Купалаўцы паставяць спектакль у Вільні
-
«Дайце круглую суму і год — будзе вам любы шэдэўр Мікеланджэла!» Улады запатрабавалі перарабіць «Быхаўскую мадонну». Аўтар падточвае яе балгаркай
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары
Ну і чаму тады тут зьдзіўляцца?
[Зрэдагавана]