Грамадства1313

Саліста расійскага гурта на канцэрце ў Мінску, падобна, адкачвала хуткая — пасля ён спяваў у паўцемры пад фанеру

Канцэрт папулярнага расійскага рок-гурта «Тры дні дажджу», які прайшоў 7 лістапада ў мінскім Палацы спорту, сабраў аншлаг, але скончыўся скандалам. Выступ затрымалі на гадзіну праз візіт медыкаў за кулісы, а франтмен Глеб Віктараў не трапляў у ноты, блытаў словы і праз 50 хвілін пакінуў сцэну без развітання. Цяпер абураныя гледачы масава патрабуюць вярнуць грошы за квіткі.

Пачатак канцэрта гурта «Тры дні дажджу» ў Мінску. Фота з сацсетак

Выступ у Палацы спорту меў пачацца а 19-й, квіткі каштавалі ад 135 да 295 рублёў. Аднак пачатак затрымалі больш чым на гадзіну — «па тэхнічных прычынах». Паводле звестак відавочцаў, перад выхадам музыкаў за кулісы заходзіла брыгада медыкаў.

«Вось вы калі-небудзь былі ў чаканні канцэрта і заўважалі дактароў хуткай дапамогі, якія сыходзілі за кулісы? А ці чакалі вы выканаўцу гадзіну, таму што гэтая самая хуткая, імаверна, яго адкачвала? А мне ўяўляць не трэба», — напісала адна з наведвальніц у Threads.

Але калі Віктараў усё ж выйшаў да публікі пасля 20-й, ён быў, падобна, у неадэкватным стане: мацюкаўся, забываў тэксты і не трапляў у таймінг трэкаў. Каб схаваць стан вакаліста, арганізатары нават не ўключалі пярэдняе святло.

На сцэне на пачатку канцэрта луналі расійскі і чырвона-зялёны сцягі, а нехта з публікі ў гэты момант скандаваў «Расія».

Канцэнт гурта ў Палацы спорту. Фота з сацсетак

«А ў выніку чэл выйшаў яўна пад чымсьці, што нават святло на яго не накіроўвалі і амаль не паказвалі твар на экранах. Амаль увесь канцэрт прайшоў у цемры, уключалі толькі заднія пражэктары. Па гуку таксама трэш, фанера, але часам ён спрабаваў яе перакрычаць», — дзеліцца ўражаннямі іншая глядачка.

Замест заяўленай двухгадзіннай прэзентацыі новага альбома канцэрт працягваўся менш за гадзіну. Музыкі спрабавалі заглушыць голас саліста інструментамі, а апошнія некалькі песень пусцілі цалкам пад фанаграму. Палову чаканых хітоў гурт так і не выканаў: у зале проста ўключылі святло, а Віктарава павялі са сцэны без развітання са слухачамі.

Заканчэнне канцэрта. Фота з сацсетак

Абураныя беларускія слухачы ў Threads называюць імпрэзу «трыма днямі крынджу». Яны лічаць, што саліст быў нецвярозым.

«Не трапляў у ноты, тэкст месцамі забываў. Жорстка, карацей», — піша адна з дзяўчат. «Глеб «Тры дні дажджу»! Дзякуй, але больш не выходзь да мяне на сцэну ў такім выглядзе і з такой падрыхтоўкай. Я табе не за гэта грошы заплаціў!» — рэзюмаваў яшчэ адзін глядач.

Раней музыка Глеб Віктараў публічна прызнаваў сваю цяжкую залежнасць ад наркотыкаў (у прыватнасці мефедрону) і алкаголю. У чэрвені 2023 года пасля аналагічнага п'янага зрыву на канцэрце ў Екацярынбургу прадзюсары закрылі праект на нявызначаны тэрмін, а самога Віктарава неаднаразова адпраўлялі ў рэхабы на дэтокс і кадзіравалі — апошнія курсы лячэння ён праходзіў у пачатку 2025‑га і ўвесну 2026 года.

Праблемы з рэчывамі суправаджаюцца і палітычнымі хістаннямі артыста: у верасні 2022 года ён публічна падтрымаў Уладзіміра Пуціна, параўнаўшы яго з «канатаходцам, якому трэба даць спакойна дайсці да канца», у 2023‑м падтрымліваў так званую «СВА», прапаноўваў нязгодным з вайной з'ехаць з Расіі і анансаваў дабрачынныя выступы ў акупаваных Данецку, Луганску і Крыме.

Пры гэтым у ліпені 2026 года на чарговым канцэрце ў Екацярынбургу Віктараў нечакана выступіў з эмацыйнай антываеннай прамовай. Аднак адразу пасля таго выступу менеджмент гурта і сястра музыкі абвясцілі ягоныя словы «непрытомным трызненнем» на фоне рэцыдыву хваробы, выдалілі допісы і тэрмінова адправілі артыста ў Маскву на чарговае прымусовае лячэнне ў клініку.

«Наша Нiва» — бастыён беларушчыны

ПАДТРЫМАЦЬ

Каментары13

  • Вата шоу
    08.11.2026
    Хадзіце дурні і далей
  • Санек
    08.11.2026
    И так сойдёт!
  • Наркоша
    08.11.2026
    [Рэд. выдалена]

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць