Ежа99

Навагодняя шкатулка «Камунаркі» выклікала ажыятаж у сацсетках

Унутры — 38 цукерак і іншых прысмакаў агульнай вагой 605 грамаў.

Да Новага года яшчэ больш за месяц, але некаторыя беларусы ўжо палююць на святочныя падарункі. У сацсетках актыўна абмяркоўваюць навінку «Камунаркі» — музычную шкатулку з цукеркамі і праектарам зорнага неба. Адны хваляцца ўдалым набыткам, іншыя скардзяцца, што знайсці яе ў крамах няпроста. Здаецца, у фабрыкі атрымаўся нечаканы хіт, піша Onliner.by.

На днях «Камунарка» прадставіла навагодні падарунак у выглядзе круглай бляшанай шкатулкі. Унутры — 38 цукерак і іншых прысмакаў агульнай вагой 605 грамаў. Але ўвагу пакупнікоў прыцягнула сама ўпакоўка: калі зняць накрыўку, шкатулка праецыруе зорнае неба, а пры павароце грае мелодыю.

Кошт навінкі — 54,99 рубля. Паводле інфармацыі вытворцы, яна ўжо паступае ў фірмовыя крамы. Тым часам у сацсетках з'яўляюцца паведамленні пра тое, што шкатулкі хутка раскупляюць. Адна з пакупніц расказала, што паспела забраць апошні экзэмпляр у краме на вуліцы Чырвонай, 21.

— Гэта было літаральна так: «Ухапіла, цётка лезла, хацела забраць гэтыя дзве». Апошняя з вітрыны. Сказалі, што цэлы дзень іх прадаюць, было 150 штук — усе разабралі. Можа, заўтра яшчэ будуць, але гэта не дакладна, — напісала дзяўчына.

Праўда, інфармацыя пра 150 прададзеных шкатулак пакуль вядомая толькі са слоў пакупніцы.

Іншыя карыстальнікі ўжо дзеляцца фотаздымкамі сваіх набыткаў.

— Гэтую шкатулку мне муж купіў, — радуецца адна з дзяўчат.

— Здаецца, дзеці атрымліваюць цукеркі, а бацькі — нагоду ажыццявіць уласную дзіцячую мару, — жартуюць у каментарах.

Аднак ажыятаж спадабаўся не ўсім. Некаторыя пакупнікі незадаволеныя тым, што навінку складана знайсці ў продажы, і задаюцца пытаннем, ці хопіць яе ўсім ахвотным.

— Спачатку вы прэзентуеце гэтую неверагодную шкатулку, а потым усё неяк ціха заціхае. Скажыце, калі ласка, яна не для ўсіх?! Ці ўсё ж такі чакаць яе ў крамах? — цікавіцца адна з карыстальніц.

Каментары9

  • Ласункі
    12.11.2026
    Для дуракоў, Можа што такое і ёсць, але наша "Камунарка" на добрым узроўні.
  • Ніколі не любіў камунарку
    12.11.2026
    У чым сэнс з камунаркай? Яны ж нясмачныя, нават этыкеткі вельмі непрывабныя.
  • Для дуракоў
    12.11.2026
    Ласункі, схадзi ў фiрмовую краму каля Галерэi, канфетамi вашай камунаркай можна аб сцену стучаць, тэрмiны 03 дый 04 месяц . Вось туды iх i запхнуць у гэтыя шкатулкi для дурняў...

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць