Улада

Ціханоўская заклікае ўдзельнічаць у рэферэндуме і перакрэсліваць у бюлетэні абодва варыянты

Рэферэндум, які быў прызначаны ўчора на 27 лютага, — гэта спроба ўтрымаць уладу; ён не здымае палітычны, эканамічны і гуманітарны крызіс; гэта выбар паміж Лукашэнкам і Лукашэнкам, заявіла сёння на прэс-канферэнцыі дэмакратычных сілаў Святлана Ціханоўская. Яна абвясціла, што ў Вільні будзе створаны аператыўны штаб, які стане сачыць за сітуацыяй падчас кампаніі.

Фота: прэс-служба Святланы Ціханоўскай

Святлана Ціханоўская заклікала рабіць бюлетэні несапраўднымі, перакрэсліваць абодва варыянты адказаў, а пасля паведамляць пра свой выбар платформе «Голас».

У Вільні плануецца стварыць аператыўны штаб дэмсілаў, які стане адсочваць сітуацыю. У его склад, апроч штаба Ціханоўскай, увойдуць прадстаўнікі Каардынацыйнай рады, НАУ, а таксама грамадзянскіх ініцыятыў і платформ — «Голас», «Зубр», «Сумленныя людзі».

«Гэта каардынацыйны цэнтр, які пачне працу сёння. Перад рэферэндумам мы збяромся ў адным офісе ў Вільні, каб працаваць разам», — удакладніла Святлана Ціханоўская.

Па яе словах, платформа «Голас» зоймецца альтэрнатыўным падлікам. «Сумленныя людзі» будуць адказваць за дастаўку інфармацыі грамадству і працу з тымі, каго прымушаюць стаць членамі выбарчых камісій. «Зубр» будзе фіксаваць парушэнні на ўчастках.

У аператыўны штаб увойдзе таксама аб’яднанне экс-сілавікоў, якое зоймецца інфармацыйнай бяспекай, будзе адсочваць і аналізаваць аператыўнае становішча сярод сілавікоў і чыноўнікаў.

«Мы падтрымліваем агульную пазіцыю прызнаць рэферэндум несапраўдным праз дзеянні грамадзян, — далучыўся кіраўнік НАУ Павел Латушка. — У адносінах да ацэнкі міжнароднымі партнёрамі — дамагацца афіцыйных заяваў аб няпрызнанні за Лукашэнкам права на правядзенне рэферэндуму».

Як адзначыла прадстаўніца платформы «Сумленныя людзі» Алена Жываглод, праца з членамі выбарчых камісій ужо вядзецца.

«Мы разумеем, што ўлада задзейнічае адміністратыўны рэсурс, таму падрыхтаваліся да розных сцэнароў, і адпрацуем не горш, чым у 2020 годзе», — запэўніў Павел Лібер, сузаснавальнік платформы «Голас».

Аднак падчас прэс-канференцыі ён вырашыў не дэталізаваць план, каб не даць магчымасць падрыхтавацца другому боку: «Наконт немагчымасці фатаграфавання [бюлетэняў на выбарчых участках] — важная заўвага, мы ўлічваем такі сцэнарый. Будуць прадугледжаныя іншыя варыянты».

Таксама Павел Лібер нагадаў, што платформа «Голас» не збірае персанальныя звесткі, дэананімізацыя карыстальнікаў праз яе немагчымая.

«З 27 студзеня ў нашым чат-боце можна прайсці навучэнне, аднавіць веды і падчас рэферэндуму накіроўваць туды інфармацыю пра парушэнні», — нагадаў прадстаўнік платформы «Зубр» Павел Марыніч.

«Менавіта таму, што няма выбару, мы прапануем перакрэсліць абодва варыянты, — заўважыў Аляксандр Дабравольскі, дарадца Святланы Ціханоўскай. — Беззаконнасць стала синонімам цяперашняй сітуацыі. Вы паглядзіце на праект Канстытуцыі, што нам прапануюць… Што гэта? Нам прапануюць пухліну ў выглядзе УНС! Як гэта будзе працаваць, мы бачым на прыкладзе Казахстана. Гэта будзе новая нестабільнасць».

На пытанне, ці пойдзе Святлана Ціханоўская на рэферэндум, яна адказала: «Я не пайду на тэрыторыю амбасады [у Вільні], але паўдзельнічаю ў экзіт-поле, які будзе арганізаваны ў Літве».

Што змянілася ў праекце Канстытуцыі, вынесеным на рэферэндум

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Страціў сына ў пажары і знік сам». Шукаюць беларуса, які знік амаль 40 гадоў таму3

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць