Ежа

Выкідаеце «хвосцікі» ад вішань і чарэшань? Вы больш не будзеце так рабіць

Вы здзівіцеся, але шмат карыснага ёсць не толькі ў саміх ягадах.

Уласцівасці «хвосцікаў»

Настой з чаранкоў вішні валодае цэлым шэрагам карысных уласцівасцяў.

Сярод найбольш важныя — абязбольвальны і мачагонны эфекты.

Такі настой таксама палягчае менструальныя болі. Ён можа выкарыстоўвацца і для лячэння праблем з мачавым пузыром або прастатай.

«Хвосцікі» вішні ўтрымліваюць шмат марганцу, калію, медзі, вітамінаў А, В2, С, антыаксідантаў і антацыанаў. Антацыаны — гэта раслінныя пігменты, якія аказваюць супрацьзапаленчае і супрацьракавае дзеянне, прадухіляюць атэрасклероз.

Настой вішнёвых чаранкоў таксама мае ачышчальнае дзеянне і дапаможа зменшыць ацёкі. Ён карысны і ў якасці дадатковай падтрымкі падчас лячэння халангіту (запалення жоўцевых працёкаў).

Ці дапамогуць «хвосцікі» схуднець?

Некаторыя эксперты кажуць, што чаранкі вішні таксама могуць паскараць метабалізм і стымуляваць спальванне тлушчавай тканкі. Але гэтае сцвярджэнне ніяк не даказанае і, верагодна, гэта няпраўда.

Але варта ўключыць вішню ў рацыён, калі вы хочаце скінуць вагу. Вішня — гэта садавіна з нізкім глікемічным індэксам, якая ідэальна падыходзіць для зніжэння вагі ў якасці інгрэдыента здаровай і збалансаванай дыеты, а таксама забяспечвае арганізм мноствам вітамінаў і мінералаў.

Як прыгатаваць настой з «хвосцікаў» вішні?

Збярыце чаранкі ў асобны кантэйнер або міску асобна ад костачак. Каб прыгатаваць настой, вам спатрэбіцца прыкладна адна жменя пладаножак на літр вады.

Пакладзіце «хвосцікі» ў сатэйнік або рондаль і заліце вадой. Пасля пракіпяціце некалькі хвілін. Калі настой будзе гатовы, пакіньце яго астываць, накрыўшы вечкам. Падрыхтуйце чысты слоік або бутэльку. Прапусціце настой праз сіта і пастаўце ў халадзільнік. Такім чынам ён можа захоўвацца да двух дзён.

Настой лепш за ўсё піць нашча ці перад ежай кожны раз падчас моцных боляў або два разы на дзень.

Настой з «хвосцікаў» даволі горкі, таму яго шмат хто не любіць. Аднак вы можаце дадаць у яго мёду, каб палепшыць смак.

Гарбата са свежых вішнёвых «хвосцікаў»

Замест халоднага настою «хвосцікаў» вішні можна прыгатаваць гарачую гарбату: са свежымі чаранкамі або сушанымі.

Пакладзіце прамытыя «хвосцікі» ў шклянку або кружку. Дастаткова няпоўнай лыжкі. Заліце кіпенем і пакіньце заварвацца, накрыўшы вечкам, на 15 хвілін. Пасля працадзіце настой.

Што зрабіць з сушаных чаранкоў

Засушыць «хвосцікі» — гэты варыянт дазваляе атрымліваць асалоду ад вішнёвай настойкі нават пасля заканчэння сезона. Толькі не забудзьцеся прамыць «хвосцікі» перад сушкай!

Настой ці гарбату з сушаных чаранкоў можна прыгатаваць такім жа чынам, як і са свежых, але іх трэба замачыць на ноч (не менш за 12 гадзін).

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

Аргазм ёсць, а спермы няма. Што такое рэтраградная эякуляцыя і чым яна небяспечная11

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць