Кіно11

15 фільмаў са Скандынавіі і Балтыі можна будзе паглядзець бясплатна — вось праграма

Сталі вядомыя фільмы балтыйска-нардычнай праграмы 8-га кінафестывалю «Паўночнае ззянне», які пройдзе з 20 па 30 лістапада бясплатна online. Зарэгістравацца на прагляд можна ўжо зараз.

Скрыншот: трэйлер фільма «Бягуха»

У міжнароднай праграме будзе 15 фільмаў з краін Скандынавіі і Балтыі. Там ёсць месца кранальнаму баёпіку, драмедзі, эксперыментальнаму разважанню пра дом, жыццесцвярджальнай драме і нават палітычнаму трылеру — усё як у жыцці. Адкрые кінафэст душэўная дакументальная драма з Ісландыі «Уздымі планку», а закрые гісторыя сталення трох школьніц «Дзяўчаты, дзяўчаты». Чым яшчэ будзе здзіўляць праграма «Паўночнага ззяння — 2022»?

«Дамы»

2021, Латвія, дакументальны фільм

Паказ — 20 лістапада

Фільм-інсталяцыя Лайлы Пакалніня — паэтычная і эстэтычная ода дамашняму асяроддзю.

«Прэзідэнт»

2021, Данія, ЗША, Нарвегія, дакументальны фільм

Паказ — 21 лістапада

Захапляльны палітычны трылер аб барацьбе Зімбабвэ за дэмакратыю, спрадзюсаваны галівудскімі зоркамі Дэні Гловерам («Смяротная зброя») і Тандзівэ Ньютан («Свет Дзікага Захаду»).

«Неспакойныя розумы»

2021, Латвія, ігравы фільм

Паказ — 22 лістапада

Браты Абеле даследуюць тонкую грань паміж творчым геніем і ментальным разладам. Турбулентны паўімправізацыйны фільм-перформанс у духу Гаспара Ноэ.

«Мастацкі фільм пра жыццё»

2021, Літва, ігравы фільм

Паказ — 23 лістапада

Жыццесцвярджальная драма ў абліччы пахавальнай камедыі.

«Дзіцёнак-ніндзя»

2021, Нарвегія, ігравы фільм

Паказ — 24 лістапада

«Гэта не каханне. Гэта сперма». Кiнакомікс-драмедзi пра непажаданую цяжарнасць і прымусовае сталенне.

«Уку»

2021, Эстонія, дакументальны фільм

Паказ — 25 лістапада

Калі «мамчын сынок» гучыць стылёва: хроніка жыцця і прыгод андэграўнднага музыкі Уку Куута і яго маці і творчай партнёркі Мар'ю Куут.

«Сляпы, які не хацеў глядзець «Тытанік»

2021, Фінляндыя, ігравы фільм

Паказ — 26 лістапада

Пацешны і напружаны фільм-адысея, які перадае сэнсарны досвед невідушчага чалавека. У галоўнай ролі — сляпы і часткова паралізаваны акцёр-музыка Петры Пайкаляйнен.

«Дзесяць»

2022, Ісландыя, дакументальны фільм

Паказ — 27 лістапада

Душэўная «тусоўка» з гуртом Of Monsters and Men ад трохразовага намінанта на «Оскар» Дзіна ДэБлуа («Як прыручыць цмока»), якая адлюстроўвае Ісландыю з усімі яе «атрыбутамі»: там ёсць і швэдары, і характэрныя хаткі, і фолк-поп-песні, і, вядома ж, ф'ёрды.

«Цуму: куды вядуць мары?»

2022, Данія, Швецыя, дакументальны фільм

Паказ — 27 лістапада

Дакументальны калаж пра мары і надзеі зумераў з дэпрэсіўнай правінцыі Грэнландыі.

«Зацьменне»

2022, Нарвегія, дакументальны фільм

Паказ — 28 лістапада

Шматслойнае даследаванне калектыўнай памяці і адказнасці на прыкладзе Югаслаўскіх войнаў. Уладальнік галоўнага прыза фестывалю дакументальнага кіно CPX:DOX 2022.

«Каханне & расставанне»

2022, Швецыя, дакументальны фільм

Паказ — 29 лістапада

Цёплая чалавечая гісторыя аб экалагічным разводзе як адзіным спосабе захаваць каханне.

«Бягуха»

2021, Літва, Чэхія, ігравы фільм

Паказ — 29 лістапада

Беганіна па Вільні: хуткасная драма пра самаахвяраванне і таксічнае каханне.

«Скажы мне»

2021, Эстонія, Іарданія, дакументальны фільм

Паказ — 30 лістапада

Дваццаць два кінематаграфісты з усяго свету пад кіраўніцтвам эстонкі Марты Пулк візуалізуюць перажыванні людзей, зачыненых дома ў першую хвалю COVID-19.

Уся праграма ў online будзе даступная бясплатна па папярэдняй рэгістрацыі, якая ўжо пачала працаваць. Фільмы «Ззяння» будуць даступныя па 24 гадзіны згодна з раскладам на працягу кінафестывалю з 20 па 30 лістапада. Таксама вы можаце падтрымаць фестываль данатам.

Каментары1

  • Žban
    09.11.2022
    O! Latvijskaje kino vartaje taho, kab pahliadziec`. Tam zaūždy jakasna heta rabili.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»45

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць