Эканоміка55

«Магніт Мінска» аказаўся нікому не патрэбны, на таргі ніхто не запісаўся

Адзін з галоўных мінскіх недабудаваных аб'ектаў-даўгабудаў так і не знайшоў новага гаспадара — набыць маёмасць, адабраную ў іранскага забудоўшчыка, ніхто не захацеў, паведамляе сайт Blizko.by. 

«Магніт Мінска», які знаходзіцца на скрыжаванні праспекта Незалежнасці і вуліцы Тураўскага, у гэтым годзе аддалі дзяржаўнаму забудоўшчыку. Прычына — будаўніцтва гасцінічна-дзелавога комплексу яго гаспадар, АТАТ «Кейсон», так і не здолеў завяршыць.

Аб'ект, як маглі бачыць мінчукі, якія праязджаюць па праспекце, за апошнія 4 гады практычна не змяніўся, — усе абяцанні давесці справу да канца так імі і засталіся. А планы былі напалеонаўскія: іранская будаўнічая кампанія «Кейсон» (яна стварыла ў Беларусі даччынае прадпрыемства — ЗТАА «Белпарс», якое і займалася будоўляй) заяўляла пра ўзвядзенне знакавага для сталіцы краіны шматфункцыянальнага комплексу на праспекце Незалежнасці яшчэ ў 2006 годзе.

Але прайшло больш за 15 гадоў, а будынак так і не набыў завершаны выгляд. Хоць «скрынку» ўзвялі даволі даўно. Дабудаваўшы аб'ект, у ім хацелі адкрыць гатэль (па першых планах яшчэ да чэмпіянату свету па хакеі 2014 года). Пазней зразумелі, што гатэляў з чатырма зоркамі ў Мінску прыкметна больш, чым турыстаў, здольных заплаціць па 100—150 даляраў за нумар, і дадалі яшчэ і гандлёвы цэнтр, і офісы, і забаўляльныя ўстановы.

Але сам будынак пры гэтым не пашыраўся і не рос увышыню, а пастаянна спрашчаўся. У выніку першапачатковы праект у форме ці то магніта, ці то падковы стаў мала падобны на няскончаны варыянт. Яго і выставілі на продаж, нягледзячы на тое, што летам Аляксандр Лукашэнка заявіў, што ў адабраным у іранцаў будынку трэба адкрыць гандлёвы цэнтр з таварамі беларускай вытворчасці.

Таргі прызначылі на 29 лістапада, але яны не адбыліся праз адсутнасць удзельнікаў.

Цалкам магчыма, што патэнцыйнага інвестара адпудзіла цана «незавершанага будаўніцтва» — на сайце «Белюрзабеспячэння» маёмасць ацанілі ў 9,6 млн рублёў, а неабходная сума задатку — 960 тыс. Пры гэтым пакупнік павінен быў цалкам зрабіць аплату на працягу 5 працоўных дзён.

Яшчэ адзін важны момант — ніякіх правоў на зямельны ўчастак у новага ўладальніка не будзе, гэта не прадугледжана ўмовамі таргоў.

«У цяперашні час зямельны ўчастак падлягае вызваленню ад размешчанай на ім маёмасці і прывядзенні ў стан, прыдатны для выкарыстання ў гарадской гаспадарцы», — гаворыцца ў апісанні.

Каментары5

  • Зоолук
    30.11.2022
    «Магнит Минска» оказался никому не нужен, на торги никто не записался...

    -а кому нужен такой дорогой магнитик на холодильник, который и сам уже тоже разваливается...
  • аг
    30.11.2022
    уродства наплодили , кто это говно сносить будет теперь? как и "творения" от даны с агросараями на площадях?
  • калі ў вачах ...
    30.11.2022
    аг, ніхто не будзе. Шча ў мазаічных мазгах нешта ўспыхне, з'явіцца ідэя і беларускі скінуцца на нейкую чарговую лухту. І прафсаюзы яшчэ дададуць з народных грошай.

Цяпер чытаюць

Від на Каложскую царкву безнадзейна сапсаваны10

Від на Каложскую царкву безнадзейна сапсаваны

Усе навіны →
Усе навіны

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой57

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін10

Навукоўцы прыдумалі аднаразовыя кубачкі для кавы без кроплі пластыку2

больш чытаных навін
больш лайканых навін

Від на Каложскую царкву безнадзейна сапсаваны10

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць