Ежа33

Рэцэпт на выхадныя. Бульба, фаршыраваная траской, — страва для сямейнага абеду

У гэтым рэцэпце смак рыбнага пірага спалучаецца з водарам запечанай бульбы. У выніку атрымліваецца сытная страва з мяккай тэкстурай, якой не сорамна пачаставаць бацькоў ці бабулю з дзядулем.

Фота: BBC Food

Каб згатаваць бульбу, фаршыраваную траской, вам спатрэбіцца:

  • 4 вялікія бульбіны (кожная вагой прыкладна 225 грамаў)
  • аліўкавы алей
  • 1 літр неразведзенага малака
  • 2 зубкі часнаку (расцісніце іх)
  • 1 лаўровы ліст
  • 300 грамаў філе траскі без костак і скуры
  • 3 сталовыя лыжкі буйна нарэзанай пятрушкі
  • 55 грамаў цёртага чэдару ці іншага цвёрдага сыру
  • соль і молаты чорны перац
  • для падачы: 1 лімон, нарэзаны на долькі, і жменя лісця крэс-салаты.
  1. Разагрэйце духоўку да 200 градусаў. Добра памыйце бульбу, абсушыце яе і некалькі разоў накаліце відэльцам. Наліце на рукі трохі аліўкавага алею і пратрыце бульбу. Выкладзіце яе на бляху і выпякайце 50—60 хвілін да гатоўнасці.
  2. Каб зрабіць начынку, наліце ў каструлю малако, дадайце часнок і лаўровы ліст, прыпраўце соллю і перцам і давядзіце да кіпення. Дадайце траску і варыце ўсё на павольным агні чатыры хвіліны, потым зніміце з агню. Дастаньце траску шумоўкай і пакладзіце на талерку. Пераліце малочную сумесь у збан.
  3. Трохі астудзіце бульбу, разрэжце яе ўздоўж напалову. Дастаньце мякаць і пакладзіце ў міску. Нарэжце траску і дадайце яе да мякаці бульбы. Туды ж дадайце пятрушку і 150 мілілітраў малочнай сумесі, перамяшайце. Калі сумесь занадта цвёрдая, дадайце яшчэ крыху малака, але не дазваляйце сумесі стаць занадта мяккай.
  4. Выкладзіце падрыхтаваную начынку назад у бульбу і пасыпце зверху сырам. Выкладзіце нафаршыраваныя бульбіны на бляху і выпякайце іх 25 хвілін, або пакуль яны не стануць залацістага колеру.
  5. Падавайце бульбу гарачай. Перад падачай трохі паліце яе аліўкавым алеем, пакладзіце ля бульбіны дольку лімона і трохі крэс-салаты.

Рэцэпт на выхадныя. Боксці (boxty) — дранікі, але па-ірландску

Рэцэпт на выхадныя. Бульба з беконам і мёдам — лёгкая, сытная і такая прыгожая

Рэцэпт на выхадныя. Курыца па-каджунску — каларытная страва з арыгінальным смакам

Каментары3

  • Ценитель прекрасного
    14.01.2023
    Ой, не. Інградыенты заліковыя, але бульба асобна, а рыба асобна. Толькі так! Навошта тая пэцканіна ? Вачам жа таксама павінна быць прыемна...
  • хамса ў тамаці
    14.01.2023
    цікавы рэцэпт. дзякуй.
    так бульбу канечне рабіла - з г-рыбамі, а з рыбамі не)
  • хамса ў тамаці
    15.01.2023
    зрабіла. але, як заўсёды, па-свойму, бо жыццё і я, мы любім уносіць свае карэктывы
    учора запекла бульбу разам з нерасчлянённай куркай
    сёння разрэзала гэныя  ̷б̷у̷л̷к̷і̷(пшэ прашам) бульбіны
    напхала туды судака, часныка, лаўра і пятрушкі
    а. і шчэ літр малака замяніла на лыжку смятаны
    бо мой таварыш не пераварвае малако з дзяцінства

    дык
    смачна

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча9

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Страціў сына ў пажары і знік сам». Шукаюць беларуса, які знік амаль 40 гадоў таму3

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча9

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць