Грамадства1010

Новым рэктарам ЕГУ зноў стаў не беларус

Упершыню рэктарам ВНУ стане паляк — выбітны эканаміст Кшыштаф Рыбіньскі, які раней узначальваў эканамічны ўніверсітэт у Казахстане і быў віцэ-прэзідэнтам Нацбанка Польшчы.

Фота: voxpopuli.kz

3 лютага на сустрэчы з выкладчыкамі і студэнтамі ўніверсітэта было абвешчана, што новым кіраўніком Еўрапейскага гуманітарнага ўніверсітэта (Вільня) ізноў стане чалавек не з Беларусі: на вакансію выбралі вядомага польскага эканаміста Кшыштафа Рыбіньскага.

55-гадовы Кшыштаф Рыбіньскі атрымаў ступень доктара эканамічных навук у Варшаўскай школе эканомікі, мае таксама ступень магістра камп’ютарных навук. У розны час працаваў як кансультант Сусветнага банка, дырэктар праграм Фонду Сораса ў Цэнтральнай і Усходняй Еўропе, галоўны эканаміст і кіраўнічы дырэктар камерцыйных банкаў.

Пазней Рыбіньскі перайшоў на працу ў Нацыянальны банк Польшчы, дзе заняў пасаду віцэ-прэзідэнта, а потым стаў адным з партнёраў Ernst & Young, дзе кіраваў групай эканамічнай стратэгіі.

Паляк таксама мае вопыт кіраўніцтва ўніверсітэтамі. У перыяд з 2010 па 2015 годы ён быў рэктарам варшаўскай Акадэміі фінансаў і бізнэсу «Вістула», а з 2015 па 2018-ы — рэктарам Новага эканамічнага ўніверсітэта імя Т. Рыскулава ў Казахстане.

Падчас працы ў Казахстане Рыбіньскі адзначыўся ўпартай барацьбой з карупцыяй у давераным яму ўніверсітэце. Паляк змагаўся з перадачай выкладчыкам грошай за павышэнне адзнак і магчымасцю атрымаць экзаменацыйныя паперы загадзя, а таксама распрацаваў сістэму калектыўнага пакарання хабарнікаў. Калі выкладчыка лавілі на атрыманні грошай ад студэнта, звальнялі і выключалі з універсітэта не толькі іх, але і іх наўпроставага кіраўніка. З моманту ўвядзення такога правіла, паводле Рыбіньскага, не было зафіксавана ні аднаго выпадку хабарніцтва ва ўніверсітэце.

«Нельга выгнаць Беларусь з ЕГУ». Што кажуць былыя выпускнікі Еўрапейскага гуманітарнага ўніверсітэта пра сваё навучанне там

Сакрэтныя выбары рэктара ў ЕГУ: што пра іх вядома

У Вільні прэзентавалі адукацыйны праект «Васьміног»

Каментары10

  • даведка
    03.02.2023
    Поляк во главе литовского вуза, кующего кадры для новой Беларуси...
  • Егу ўжо не ЭГУ
    03.02.2023
    ЕГУ гэта даўно не беларускі ўнівер, усе беларускае там ранішчылі, цяпер гэта ўстанова для навучання дзяцей чынуш з Расеі і Беларусі
  • BLR
    03.02.2023
    Наколькі можна прыгадаць з мінулага, і з сучаснага - ЕГУ ніколі не быў беларускім ВНУ так бы мовіць па сутнасьці. Ен быў беларускім тэратарыяльна. Вось і ўсе. Таму які там рэктар - летувіс, паляк, амерыканец, ці масковец - не істотна

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча4

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

Беларускі хлеб збіраюцца захоўваць па паўгода1

Ці можна перамагчы баршчэўнік воцатам і соллю?3

Еўрапейскім грузаперавозчыкам дазволілі ездзіць па тэрыторыі Беларусі. Але толькі пры пэўных умовах

Mark Formelle аб'явіў пра маштабны рэбрэндынг8

«А пятай раніцы спаць ужо немагчыма». Мінчук паскардзіўся ў Мінгарвыканкам на сабачы брэх

З-пад Пінска на Валынь сёння заляцеў паветраны зонд. Украіна лічыць гэта наўмыснай аперацыяй1

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча4

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць