Спроба вайсковага перавароту ў Судане. Там пачаліся сутыкненні паміж арміяй і «джынамі на конях»
У сталіцы Судана Хартуме пачалася перастрэлка паміж арміяй і сіламі хуткага рэагавання. Аэрапорт Судана перастаў прымаць і адпраўляць самалёты, у розных раёнах сталіцы ідуць перастрэлкі з цяжкіх гармат, піша РБК.
У некалькіх раёнах сталіцы Судана Хартуме чутная стральба, на вуліцах разгорнутая ваенная тэхніка і гарматы артылерыі, гукі стральбы чутныя блізу штаб-кватэр арміі дзяржавы і іншай сілавой структуры — сіл хуткага рэагавання (SRF), піша Reuters.
SRF абвінаваціла армію ў «жорсткім нападзе», паведаміўшы, што тыя акружылі адну з яе баз і адкрылі агонь з цяжкіх гармат. Арганізацыя ўдакладніла, што гаворка ідзе пра «шырокамаштабную атаку» з ужываннем розных відаў узбраення.
Пры гэтым у суданскай арміі абвінавачваюць SRF у атацы на вайсковыя пасты. Суразмоўца Al Jazeera ў войску распавёў, што сілы хуткага рэагавання паспрабавалі ўзяць штурмам штаб Галоўнага камандавання.
Мясцовыя жыхары распавялі Al Jazeera пра сутыкненні і перастрэлкі вайскоўцаў, журналіст тэлеканала распавёў таксама пра слупы дыму ў розных частках сталіцы Судана. Паводле звестак тэлеканала, міжнародны аэрапорт сталіцы Судана прыпыніў працу.
Сілы хуткага рэагавання арганізаваныя на базе апалчэнцаў «Джанджавід» (у перакладзе з арабскай — «Джын на кані»), якія ўдзельнічалі ў паўстанні ў рэгіёне Дарфур на захадзе Судана ў 2003 годзе. Праваабаронцы абвінавачваюць байцоў гэтай арганізацыі ў ваенных злачынствах, сярод якіх катаванні, згвалтаванні і забойствы мірных жыхароў.
У 2019 годзе SRF аб'ядналася з арміяй Судана для звяржэння прэзідэнта Амара Хасана аль-Башыра, яго адхілілі ад улады і арыштавалі. Абедзве арганізацыі здзейснілі яшчэ адзін пераварот у кастрычніку 2021 года. Вайскоўцы адкрылі агонь па пратэстоўцах. Загінулі не менш за 120 чалавек, у СМІ гэта назвалі Хартумскай разнёй.
-
У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае
-
Ле Пен: Францыя пры мне не будзе аказваць Украіне новай фінансавай дапамогі, але папярэднія абавязацельствы выканае
-
Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары