Усяго патроху

У Белавежскай пушчы абмералі дуб-волат, за 20 гадоў ён значна падрос

Падчас палявых батанічных даследаванняў у запаведнай зоне на тэрыторыі Язвінскага лясніцтва супрацоўнікі навуковага аддзела Нацыянальнага парку «Белавежская пушча» выйшлі на дуб-волат з ледзь прыкметнай лічбай-нумарам. Дрэва вымералі, атрымалася 629 см у акружнасці, што ў дыяметры складае роўна 2 метры. Заставалася параўнаць цяперашнія памеры з зафіксаванымі раней.

Пасля вяртання з экспедыцыі даследчыкі ўдакладнілі, што ў ахопе ствол гэтага волата ў 1960 годзе складаў 550 см (175 см у дыяметры), а ў 2004 — каля 600 см (больш за 190 см). Гэта значыць, за апошнія 20 гадоў дуб дадаў каля 10 см у дыяметры.

Па таўшчыні гэты дуб не саступае турыстычнай славутасці пушчы — дубу-патрыярху, а па вышыні значна яго пераўзыходзіць — амаль на 40 метраў.

Крытэрыем, па якім вылучаюцца дрэвы-волаты ў Белавежскай пушчы, з'яўляецца дыяметр ствала, вымераны на вышыні 1,3 метра.

Для дуба і хвоі памежным паказчыкам, пасля якога прысвойваюць ганаровае званне «волат», з'яўляецца дыяметр ствала больш за 100 сантыметраў. Для астатніх дрэў: ліпы, ясеня, елкі, клёна, асіны, вяза і алешыны — больш за 80 см.

Дрэвы, якія растуць у лесе, пры такім жа самым узросце маюць значна меншы дыяметр у параўнанні з тымі, што выраслі на адкрытай тэрыторыі.

Цяпер у Белавежскай пушчы налічваецца каля тысячы дрэў-волатаў і па гэтым паказчыку гэты лес не мае сабе роўных у Еўропе. У Белавежскай пушчы ёсць дрэвы-волаты, якія з'явіліся на свет яшчэ да адкрыцця Амерыкі.

Навукоўцы даўно займаюцца вымярэннем дрэваў у пушчы. У міжваенны перыяд польскія ўлады ўносілі буйныя дрэвы Белавежскай пушчы ў спіс помнікаў прыроды, якія ахоўваліся як асобныя аб'екты.

У пасляваенны перыяд на беларускай частцы Белавежскай пушчы разам з пачаткам навуковых даследаванняў сталі займацца таксама вымярэннем і рэгістрацыяй дрэў-волатаў. У 1950—1970-я гады гэтым займаліся навуковыя супрацоўнікі Яўген Рамлаў і Мікалай Смірноў. Пазней, у 1980—1990-я гады, гэтым займаўся Аляксандр Стралкоў, а ў пачатку 2000-х — Дзмітрый Бярнацкі.

Дзякуючы назапашанай інфармацыі навукоўцы маюць магчымасць адсачыць дынаміку росту дрэў-волатаў.

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча5

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

Беларускі хлеб збіраюцца захоўваць па паўгода1

Ці можна перамагчы баршчэўнік воцатам і соллю?3

Еўрапейскім грузаперавозчыкам дазволілі ездзіць па тэрыторыі Беларусі. Але толькі пры пэўных умовах

Mark Formelle аб'явіў пра маштабны рэбрэндынг8

«А пятай раніцы спаць ужо немагчыма». Мінчук паскардзіўся ў Мінгарвыканкам на сабачы брэх

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча5

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць