Прэзідэнт Польшчы Анджэй Дуда ў сераду прыбыў у Кіеў з неанансаваным візітам. Пра гэта ў твітары паведаміла канцылярыя польскага прэзідэнта.

Падчас візіту Дуда правядзе перамовы з прэзідэнтам Украіны Уладзімірам Зяленскім, падчас якіх будуць абмяркоўвацца пытанні святкавання Дня Канстытуцыі Украіны. Таксама прэзідэнты абгавораць сітуацыю ў зоне баявых дзеянняў ва Украіне і пагрозу расійскай атакі на Запарожскую АЭС.
Дуда і Зяленскі таксама абмяркуюць падрыхтоўку да ліпеньскага саміту NATO ў Вільні.
Раней стала вядома, што ў Кіеў прыбыў прэзідэнт Літвы Гітанас Наўседа. Каментуючы сваю паездку ва ўкраінскую сталіцу, Наўседа адзначыў, што прыехаў перад віленскім самітам з галоўным мэсэджам — «месца Украіны ў NATO», як піша «Украінская праўда».
-
У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае
-
Ле Пен: Францыя пры мне не будзе аказваць Украіне новай фінансавай дапамогі, але папярэднія абавязацельствы выканае
-
Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары