Моды4141

Што ў гардэробе Святланы Ціханоўскай і колькі каштуе

Першыя асобы дзяржавы знаходзяцца пад пільнай увагай грамадскасці і прэсы. Іх уборы разглядаюць асабліва старанна — любая стылістычная памылка можа стаць прычынай дыпламатычнага скандалу або падставай для пікіровак з боку апанентаў. Аднак Ціханоўская амаль заўсёды выглядае стыльна. Мы паглядзелі, якія рэчы ёсць у шафе лідаркі і дзе купіць такія ж.

Аснову вобразаў Ціханоўскай складаюць прэміяльныя брэнды, што не дзіўна, улічваючы высокі ранг сустрэч, якія ёй даводзіцца наведваць. Часцей палітык з'яўляцца на публіцы ў касцюмах-двойках са штанамі ў спалучэнні з атласным топам або блузкай, але сукенкі ў Святланы таксама сустракаюцца. Асаблівай любоўю ў яе карыстаюцца «футаралы» з неглыбокім дэкальтэ.

Фаварыты Ціханоўскай — сукенкi ангельскага брэнда Karen Millen. Калі вам спадабаўся чорны ўбор гэтага брэнда, якi Святлана апранала на сустрэчу з прэзідэнтам Славакіі, то рыхтуйцеся раскашэліцца. Аматарам класічнай моды ён абыдзецца ў 342 даляры без уліку знiжкі.

Фота: Instagram Святланы Ціханоўскай /сайт брэнда Karen Millen

Яшчэ адна сукенка — шэрая ў клетку, імаверна, магла быць пашытая на замову. Яна амаль адзін у адзін падобная да мадэлі вядомага моднага дома і адрозніваецца ад сукенкі з сайта толькі адкатам рукава. Мы не можам вызначыць кошт пашыву, затое ведаем цану рэчы ад Karen Millen. Цяпер сукенка ў клетку знята з продажу, але ў белым колеры такая каштуе 394 даляры без уліку зніжкі.

Фота: Instagram Святланы Ціханоўскай /сайт брэнда Karen Millen

Што тычыцца гарнітураў са штанамі, то частка з іх таксама вырабленая на замову, а частка — набытая ў літоўскім буціку Capsule Style Room. Пра гэта ў сваім інтэрв'ю згадвае ўладальніца крамы і, па сумяшчальніцтве, стылістка, якая распрацоўвала імідж палітыка, — Таццяна Чаеўская.

Інстаграм Святланы Ціханоўскай
Фота: Instagram Святланы Ціханоўскай

Па-за пратакольнымі сустрэчамі Святлана выглядае расслаблена і аддае перавагу нефармальнаму кэжуалу. У яе ёсць некалькі футболак з мудрагелістымі прынтамі вытворчасці беларускіх брэндаў. Напрыклад, цёмна-шэры строгі касцюм лідарка разбаўляе футболкай з калекцыі «Разам» брэнда 10 Motifs. Актуальны кошт такой — 50 еўра.

Фота: Instagram Святланы Ціханоўскай /сайт брэнда 10Motifs

Прынтаваную цiшотку беларускага брэнда TRSK (адна з яго заснавальніц — баскетбалістка Кацярына Сныціна) Ціханоўская надзела на сустрэчу арганізацый, якія дапамагаюць Украіне. На фота можам разгледзець майку «Паказальнік» коштам 25 еўра.

Фота: Instagram Святланы Ціханоўскай /сайт брэнда TRSK

Часам у луках Ціханаўскай можна сустрэць мерч айчынных некамерцыйных арганізацый. Напрыклад, майку з лагатыпам Беларускага моладзевага хаба Святлана надзявала на нефармальную сустрэчу з беларускімі музыкамі. Такую можна было набыць зімой, каб падтрымаць тым самым моладзевы праект.

Фота: Instagram Святланы Ціханоўскай /Facebook Беларускага моладзевага хаба

У гардэробе Святланы ёсць і спартыўныя рэчы — напрыклад, касцюм ад вядомай беларускай дызайнеркi Вольгі Кардаш. Адзенне з гэтай двойкі можна купіць паасобку: чорная байка з вышытым буселам абыдзецца аматарам айчыннай моды ў 119 еўра, а штаны — у 73 еўра.

Фота: Instagram Святланы Ціханоўскай /Сайт брэнда

Яшчэ адзiн світшот, які нам удалося знайсці ў шафе лідаркі, таксама зроблены брэндам TRSK. Мадэль «Тры чарапахі» абыдзецца аматарам спартыўнага адзення ў 50 еўра.

Фота: Instagram Святланы Ціханоўскай /сайт брэнда TRSK

Мы не маглі абысці ўвагай аксесуары. Так, уборы Ціханоўскай часта ўпрыгожвае сярэбраны кулон «Беларусь» вядомага брэнда BelaruskiCry. Актуальная цана такога на сёння складае 55 даляраў.

Фота: Instagram Святланы Ціханоўскай /сайт брэнда BelaruskiCry

Мяркуючы з інстаграма палітыка, Святлана карыстаецца Apple IPhone Pro 13 ці 14 мадэлі. Аматарам тэхнікі за такі тэлефон давядзецца аддаць каля 1400 еўра.

Фота: Instagram Святланы Ціханоўскай / сайт Apple.com

Паводле слоў стыліста палітыка, усё адзенне было набыта на грошы суайчыннiкаў, якія падтрымалі Ціханоўскую на старце. Некаторыя з рэчаў былі дасланыя ў падарунак і пасля адабраныя іміджмэйкерам для далейшай стылізацыі.

Так ці інакш, за тры гады працы палітыку ўдалося стварыць просты і запамінальны вобраз, які ніколькі не саступае вобразам яе міжнародных калег.

Чытайце таксама: 

10 сукенак беларускіх брэндаў, якія выратуюць у летнюю спёку

З'явілася калекцыя ўпрыгажэнняў, грошы ад продажу якой пойдуць на падтрымку палітвязняў

Вышыванка Зяленскай, мятная двойка прэм'ера Даніі, нюдавыя туфлі Калас і штаны-палаца Мелоні. Якія касцюмы абралі палітыкі для сустрэчы НАТА ў Вільні

Каментары41

  • mikola ramanau
    20.07.2023
    Udaczy ! Zyve Belarus !
  • Мора
    20.07.2023
    Гэта Iphone 12
  • аарр
    20.07.2023
    Где  Карачь ,где  Цепкало ? )) и в конце концов,что там по кружкам ?))) Жду срачь от Карачь,почему молчит Цепкало ? ))))

Цяпер чытаюць

Від на Каложскую царкву безнадзейна сапсаваны13

Від на Каложскую царкву безнадзейна сапсаваны

Усе навіны →
Усе навіны

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой57

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін10

Навукоўцы прыдумалі аднаразовыя кубачкі для кавы без кроплі пластыку2

больш чытаных навін
больш лайканых навін

Від на Каложскую царкву безнадзейна сапсаваны13

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць