Усяго патроху

Кітайскаму заапарку прыйшлося даказваць, што яго мядзведзі — сапраўдныя, а не людзі ў касцюмах

Заапарку кітайскага горада Ханчжоу прыйшлося тлумачыць публіцы, што яго малайскія мядзведзі — гэта насамрэч мядзведзі, а не людзі, апранутыя ў касцюм мядзведзя. Прычынай стала відэа, якое разляцелася па інтэрнэце, у якім адзін з мядзведзяў, падазрона падобны да чалавека, стаяў на задніх лапах.

З-за гэтага відэа, на якім мядзведзь выглядае як чалавек у касцюме мядзведзя, кітайскаму заапарку прыйшлося тлумачыць, што гэта ўсё ж такі мядзведзь. Фота: сацсеткі

Многія карыстальнікі сацыяльных сетак западозрылі, што гэта і ёсць чалавек. У адказ прадстаўнікі заапарка Ханчжоу заявілі, што людзі проста мала ведаюць пра гэты від, піша Бі-бі-сі.

На відэа сонечны мядзведзь стаіць на краі свайго вальера, трымае лапы па баках і, відаць, сам назірае за наведвальнікамі заапарка.

Карыстальнікі сацыяльных сетак задаваліся пытаннем, як мядзведзь можа стаяць так прама на тонкіх нагах. Акрамя таго, зморшчыны ззаду ніжэй таліі шматлікім здаліся больш падобнымі да касцюма, які дрэнна сядзіць на чалавеку, чым на натуральную поўсць на жывым зверы.

Супрацоўнікі заапарка апублікавалі заяву ад імя самога мядзведзя са словамі: «Некаторыя людзі думаюць, што я выглядаю як чалавек… Здаецца, вы не вельмі добра мяне ведаеце».

«Калі гаворка заходзіць пра мядзведзяў, першае, што прыходзіць у галаву, гэта велізарная фігура і неймаверная сіла… Але не ўсе мядзведзі — волаты і ўвасабленне небяспекі», — гаворыцца ў заяве.

Прадстаўнікі заапарка нагадалі, што малайскія мядзведзі — іх яшчэ называюць «сонечныя мядзведзі», або біруангі — гэта самы маленькі від мядзведзяў: звычайна яны памерам з буйнога сабаку, даўжыня цела ў іх складае да паўтара метраў.

Гэта выміраючы від, які жыве ў трапічных лясах Паўднёва-Усходняй Азіі.

Каментары

Цяпер чытаюць

19‑гадовы берасцеец Андрэй ліквідаваны пад Курдзюмаўкай8

19‑гадовы берасцеец Андрэй ліквідаваны пад Курдзюмаўкай

Усе навіны →
Усе навіны

Mark Formelle аб'явіў пра маштабны рэбрэндынг7

«А пятай раніцы спаць ужо немагчыма». Мінчук паскардзіўся ў Мінгарвыканкам на сабачы брэх

З-пад Пінска на Валынь сёння заляцеў паветраны зонд. Украіна лічыць гэта наўмыснай аперацыяй1

У Гаазе прызналі М'янму вінаватай у генацыдзе народа рахінджа1

«Блішчыць як Swarovski». Беларускі палююць на танныя бранзалеты з царкоўных крам3

Беларусь пераплочвае за транзіт калію праз Расію сотні мільёнаў даляраў23

Ілан Маск: Трэба спачуваць не толькі ўкраінцам, але і расіянам34

Банкі змякчаюць патрабаванні да геалакацыі для працы мабільных праграм1

Чыгуначная арка Крымскага моста атрымала пашкоджанні1

больш чытаных навін
больш лайканых навін

19‑гадовы берасцеец Андрэй ліквідаваны пад Курдзюмаўкай8

19‑гадовы берасцеец Андрэй ліквідаваны пад Курдзюмаўкай

Галоўнае
Усе навіны →

Заўвага:

 

 

 

 

Закрыць Паведаміць