Свет33

Пасольства Польшчы перадало МЗС Беларусі доказы парушэння паветранай прасторы беларускімі верталётамі

У заяве польскага знешнепалітычнага ведамства гаворыцца, што перададзеныя доказы абвяргаюць пазіцыю беларускага боку, «выкладзеную ў афіцыйных паведамленнях» МЗС і Міністэрства абароны.

«Мы заклікаем беларускі бок тэрмінова растлумачыць гэты інцыдэнт, скарэктаваць сваю пазіцыю па гэтым пытанні і спыніць усе правакацыі ўздоўж польска-беларускай мяжы», — адзначаецца ў заяве дыппрадстаўніцтва.

1 жніўня ўвечары стала вядома пра парушэнне польскай паветранай прасторы з боку Беларусі двума верталётамі.

Спачатку афіцыйная Варшава адмаўляла факт парушэння паветранай прасторы, але пазней патлумачыла, што перасячэнне мяжы адбылося ў раёне горада Белавежа на вельмі нізкай вышыні, і гэта ўскладніла выяўленне верталётаў радыёлакацыйнымі сістэмамі.

У адказ на інцыдэнт міністр нацыянальнай абароны Польшчы Мар'юш Блашчак аддаў загад аб павелічэнні колькасці вайскоўцаў на мяжы і разгортванні дадатковых сіл і сродкаў, у прыватнасці баявых верталётаў.

Міністэрства абароны Беларусі адмаўляла факт парушэння беларускімі верталётамі дзяржаўнай мяжы, прытым спачатку рабіла гэта ў здзеклівай форме, а пасля перайшло на больш дзелавую манеру камунікацыі.

Учора прэм'ер-міністр Польшчы Матэвуш Маравецкі і прэзідэнт Літвы Гітанас Наўседа сустрэліся ў Сувалскім калідоры. Яны прагназуюць, што колькасць правакацый з боку Расіі і Беларусі будзе расці.

Учора таксама стала вядома, што польскія вайскоўцы пераводзяць свае верталёты бліжэй да беларускай мяжы.

Каментары3

  • айфон плафоныч
    04.08.2023
    Наступным доказам будзе лукашыстскі гелікаптэр, падбіты каля мяжы і згарэлая дупа расейскага найміта ўнуры.
  • mikola
    04.08.2023
    Geta *padstava* !
  • Васька
    04.08.2023
    Не надо ничего доказывать. Надо действовать. Защищать себя.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць