Свет88

«О божа, гэта нядобра!» Маск расказаў пра «цудоўную размову» з Пуціным

Амерыканскі бізнэсовец, уладальнік Tesla, SpaceX і сацсеткі X (былая Twitter) Ілан Маск восенню мінулага года паведаміў прадстаўнікам Пентагона, што меў размовы з Уладзімірам Пуціным, абмеркаваўшы з ім сітуацыю ва Украіне, паведамляе РБК са спасылкай на The New Yorker.

Ілан Маск. Фота: Susan Walsh / AP

Адна з крыніц выдання ў Мінабароны ЗША распавяла, што пры абмеркаванні з амерыканскімі чыноўнікамі выкарыстання тэрміналаў Starlink ва Украіне ў кастрычніку мінулага года Маск згадаў пра размову з Пуціным. «Ён сказаў: «Што ж, у мяне была выдатная размова з Пуціным». І мы падумалі: «О божа, гэта нядобра», — адзначыў высокапастаўлены чыноўнік з Пентагона.

Са слоў іншага суразмоўцы газеты, Маск заявіў, што асабіста размаўляў з Пуціным за некалькі тыдняў да таго, як апублікаваў у твітары свой варыянт мірнага плана, і дадаў, што яго кансультацыі з Крамлём былі рэгулярнымі.

Пра тое, што перад публікацыяй свайго мірнага плана Маск меў размову з Пуціным, у кастрычніку мінулага года пісаў Vice са спасылкай на эканаміста Яна Брэмера.

Сам бізнэсовец зняпраўдзіў гэтую інфармацыю. «Гэта няпраўда. Я размаўляў з Пуціным толькі аднойчы, і гэта было каля 18 месяцаў таму. Тэмай быў космас», — паведаміў ён у Twitter, каментуючы публікацыю Vice.

У пачатку кастрычніка мінулага года Маск апублікаваў у Twitter апытанне, дзе прапанаваў прагаласаваць за або супраць свайго бачання мірнага ўрэгулявання канфлікту ва Украіне. У прыватнасці, ён выказаў здагадку, што канфлікт скончыцца тым, што Крым застанецца часткай Расіі, а ў занятых расійскімі войскамі рэгіёнах паўторна пройдуць рэферэндумы пад наглядам ААН. Акрамя таго, паводле яго слоў, мірнае пагадненне можа прадугледжваць, што Украіна застанецца нейтральнай краінай, а бакі дамовяцца аб водазабеспячэнні Крыма.

Маск таксама заявіў, што ў выпадку «татальнай вайны» з Расіяй перамога Украіны будзе малаімавернай. На думку Маска, вынікі рэферэндумаў у «ДНР», «ЛНР», акупаваных частках Запарожскай і Херсонскай абласцей звязаныя з тым, што «ў некаторых усходніх рэгіёнах краіны большасць насельніцтва складаюць расіяне і яны аддаюць перавагу Расіі».

Кіеў негатыўна адрэагаваў на публікацыі бізнэсмена. 

Каментары8

  • ЦРУ
    22.08.2023
    Сноўдэн 2
  • Дедушка
    22.08.2023
    После этого я Маска вообще ни в грош не ставлю.
    Просто тупой идиот с феноменальным коммерческим чутьем и талантом...
    и не более того.
    искренне жалаю ему полного фиаско.
  • Казік
    22.08.2023
    Навошта паўтараць старую абсмактаную сто разоў навіну? Ёсць заказ на Маска?

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць