Усяго патроху

Вегетарыянства можа перадавацца ў спадчыну — даследаванне 

Амерыканскія даследчыкі прааналізавалі гены вегетарыянцаў і прыйшлі да нечаканага выніку. 

Ілюстрацыйная выява. Фота: pixaby

Вегетарыянства практыкавалася рознымі культурамі цягам тысячагодзяў, і сёння часцей за ўсё асноўнымі прычынамі такой дыеты выступаюць этычныя меркаванні людзей і нежаданне шкодзіць жывёлам. Амерыканскія навукоўцы паспрабавалі высветліць, ці можа такая дыета таксама быць абумоўлена і нашай генетыкай. Пра вынікі гэтага даследавання днямі распавяло выданне Euronews.

Група даследчыкаў пад кіраўніцтвам прафесара кафедры паталагічнай анатоміі Паўночна-Заходняга ўніверсітэта ЗША Набіля Ясіна правяла аналіз вялікай амерыканскай біямедыцынскай базы даных UK Biobank.

Навукоўцы параўналі геномы больш за 5 тысяч вегетарыянцаў і амаль 330 тысяч мясаедаў ва ўзросце ад 40 да 69 гадоў. Каманда спрабавала знайсці пэўныя гены ў чалавечай храмасоме, якія маглі б адказваць за вегетарыянства. І пошукі аказаліся паспяховымі.

«Мы выявілі 3 гены, якія ў значнай ступені звязаныя з вегетарыянствам, і яшчэ 31 ген, які, магчыма, таксама звязаны з ім. Такія вынікі адкрываюць новую тэму для даследаванняў: як звязаныя вегетарыянства і генетыка ў чалавека», — заявіў прафесар Набіль Ясін.

Прафесар адзначыў, што на падставе гэтых даных можна выказаць здагадку, што ў вегетарыянцаў ёсць уласны метабалізм тлушчаў, які ўплывае на працу іх мозгу.

Адна з гіпотэзаў навукоўцаў такая: мяса можа мець кампаненты тлушчу, якія вегетарыянцы здольныя сінтэзаваць эндагенна (самастойна), аднак іншым людзям для гэтага трэба харчавацца мясной прадукцыяй.

«Мы спадзяёмся, што гэта праца стане стымулам для наступных даследаванняў у галіне генетыкі і фізіялогіі вегетарыянства. Атрыманыя веды могуць дазволіць нам распрацоўваць больш індывідуальныя дыетычныя рэкамендацыі і, магчыма, стварыць больш якасныя прадукты, якія замяняюць мяса», — падзяліўся сваімі думкамі Ясін.

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць