Грамадства66

У Гомелі пачаўся суд над кампаніяй сяброў, якую назвалі «спячай ячэйкай». Яны стварылі чат у падтрымку Украіны

У Гомельскім абласным судзе 6 лютага пачаўся судовы працэс над трыма гамельчукамі, якіх абвінавачваюць адразу па некалькіх «палітычных» артыкулах: «Садзейнічанне экстрэмісцкай дзейнасці» (часткі 1 і 2 артыкула 361 КК), «Стварэнне экстрэмісцкага фармавання або ўдзел у ім» (арт. 361 ч. 1), а таксама абразу Лукашэнкі (арт. 368 ч. 1), піша «Флагшток». 

Дзмітрый Папкоў, Ігар Чарнавусаў, Уладзімір Каменаў. Фота: сацсеткі

Працэс праходзіць у закрытым рэжыме, таму сутнасць абвінавачання невядомая. Згодна з раскладам суда, справу разглядае суддзя Алег Харошка. 

Абвінавачаныя — Зміцер Папкоў, Ігар Чарнавусаў, Уладзімір Каменаў — ужо амаль год знаходзяцца ў зняволенні: столькі доўжылася следства. Іх і яшчэ аднаго гамельчука жорстка затрымалі ў сакавіку 2023 года. Тады сілавікі зрабілі справаздачу аб раскрыцці «злачыннай групы», якая збіралася ў гаражным кааператыве, якую назвалі «спячай ячэйкай экстрэмістаў». 

На міліцэйскім відэа было паказана, як група сілавікоў у поўным абмундзіраванні ўваходзіць у будынак і кладзе тварам у падлогу аднаго з мужчын. У доказ іх «віны» паказалі бел-чырвона-белы сцяг, намаляваны на сцяне гаража, нанесены фарбай на цэглу герб «Пагоня» і партрэт Чэ Гевары. 

Сяброў прымусілі запісаць відэа і сказаць аб тым, што яны стварылі чат, дзе перапісваліся паміж сабой, а пасля ўварвання РФ ва Украіну нібыта некалькі разоў у перапісках абразілі Лукашэнку, таксама пісалі «няправільныя» каментары.

Так затрымлівалі хлопцаў

Яшчэ адно абвінавачанне — хлопцы «мелі знешнія сувязі» з беларускімі добраахвотнікамі, якія ваююць за Украіну. Судзячы па ўсім, менавіта гэта стала падставай для ўзбуджэння крымінальнай справы па артыкуле «Садзейнічанне экстрэмісцкай дзейнасці». 

Судзяць траіх хлопцаў, лёс чацвёртага невядомы. Усе яны родам з Гомеля і, зыходзячы з пастоў у сацсетках, даўно сябравалі, разам удзельнічалі ў міжнароднай гульні ў Beer Pong у Гомелі. Цяпер ім пагражае шматгадовае зняволенне.

Каментары6

  • Вока
    06.02.2024
    Чацвёрты іх і здаў
  • За зорачку
    06.02.2024
    Пасля Другой сусветнай вайны садзілі за мову і сцяг, цяпер за чат! Што толькі не прыдумаюць, каб кар'еру зрабіць...
  • EMIL
    06.02.2024
    Половина белАрусов - это спящая ячейка.
    Нужен момент, когда будильник зазвонит!
    Ещё лучше - колокол!

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай91

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

Беларускі хлеб збіраюцца захоўваць па паўгода1

Ці можна перамагчы баршчэўнік воцатам і соллю?3

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць