Грамадства1818

«У нас адкрыўся партал у пекла». Тур наракае на няправільны народзец, які «злоўжывае» зваротамі да Лукашэнкі

Прапагандыст Ігар Тур звярнуў увагу на публічныя звароты простых людзей да Лукашэнкі. У часы могілкавай цішыні ў краіне гэтыя звароты паказваюць, што не ўсё ў ёй у парадку і дзяржава не такая сацыяльна арыентаваная, як пра яе гавораць прапагандысты. Тур даводзіць, што трэба паказаць усім, у чым не мелі рацыі тыя, хто з публічнымі зваротамі да Лукашэнкі звяртаецца.

За апошні тыдзень у сацсетках гучна выбухнулі два звароты да Лукашэнкі — пенсіянерка, якая прайшла ўсе інстанцыі, уключна Качанавай, папрасіла дапамагчы ёй з вадою, якая раптам стала непрыдатная да ўжывання. І працаўнікі мінскага рыбакансервавага прадпрыемства, якім паўгода не плацілі заробкі, папрасілі неяк паўплываць на сітуацыю.

«У нас адкрыўся партал у пекла з бясконцымі публічнымі зваротамі да прэзідэнта», — напісаў Тур.

Ён даводзіць думку, што не ўлада вінаватая ў праблемах людзей, а менавіта яны самі.

«Мне складана зразумець, вось чэснае слова, чаму людзі, працуючы на прыватным прадпрыемстве, не атрымаўшы заробак за месяц, не перастаюць хадзіць на працу і не звяртаюцца ў суд, а паўгода працягваюць працаваць без заробку, пра што потым запісваюць зварот з «дапамажыце, сітуацыя крытычная».

Крытычная, не спрачаюся — але яна такой стала не толькі па віне наймальніка, мне здаецца», — піша ён.

Бабулю, якая не можа зразумець, з чаго раптам вада сярод лесу стала ў калодзежы смярдзючай, яму таксама «чыста па-людску» шкада. «Але як бы вырашаць пытанні з водазабеспячэннем на прыватным участку павінны ўласнікі, а не чыноўнікі. Чыноўнікі могуць увайсці ў становішча і дапамагчы, але гэта будзе парушэннем закона, за што з іх тэарэтычна могуць спытаць кантралюючыя органы», — расказвае Тур.

«Такія звароты хутчэй ёсць жаданнем прымусіць мясцовую ўладу выканаць патрабаванні на фоне страху перад прэзідэнтам, а не менавіта спроба дастукацца да Аляксандра Рыгоравіча», — адгадвае няхітрую загадку Тур.

Таму ён «палічыў бы за лепшае, каб пасля вырашэння гэтых двух пытанняў публічна прагучала, у чым не мелі рацыі тыя, хто звяртаўся, чаму сітуацыя, якая вымусіла іх запісаць зварот, склалася збольшага з-за іх саміх. Так было б больш сумленна», — лічыць ён.

Прапагандыст прыводзіць і статыстыку са столі як доказ. «Таму што зварот да прэзідэнта ў 9 выпадках з 10 ёсць спроба вырашэння пытання, для якога асабліва няма (ці няма наогул) законных падстаў». І чыноўнікам несправядліва, паводле яго, «публічна ставіць у віну невыкананне просьбы, калі выкананне наогул не зусім законнае».

Каментары18

  • Карпянкофф -wafler
    13.02.2024
    У чым праблема, прапагандон? Давайце 20 гадоў і будзе вам шчасце
  • Молодец Тур
    13.02.2024
    Вме правильно. Надо оградить Александра нашего Григорьевича Лукашенко от этого неразумного народца.
  • Вася
    13.02.2024
    Перехвалили пропагандисты лукашеначку, вот и получайте. Не хотели проводить честные выборы, не хотели отдать власть - будет ещё и не то пекло.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць