Свет33

Сенат ЗША падтрымаў законапраект аб дапамозе Украіне, Ізраілю і Тайваню на 95 мільярдаў даляраў

Зараз яго павінна разгледзець Палата прадстаўнікоў, якая кантралюецца рэспубліканцамі.

Кангрэс ЗША. Фота: J. Scott Applewhite / AP

Сенат ЗША ўхваліў законапраект, які прадугледжвае 95 мільярдаў даляраў на дапамогу Украіне, Ізраілю і Тайваню. За законапраект прагаласавалі 70 сенатараў, супраць — 29, паведамляе «Дождь».

Цяпер праект павінна разгледзець Палата прадстаўнікоў, дзе большасць належыць рэспубліканцам. Спікер ніжняй палаты парламента Майк Джонсан ужо раскрытыкаваў дакумент з-за таго, што ў яго не ўключылі бюджэт на ўзмацненне мяжы з Мексікай.

«Паколькі Сенат не атрымаў ніводнай змены адносна пытання ўмацавання паўднёвай мяжы, палаце прадстаўнікоў давядзецца працягваць дзейнічаць па ўласнай волі па гэтых важных пытаннях», — сказаў Джонсан.

Папярэдняя версія законапраекта, узгодненая сенатарамі, прадугледжвала 20 млрд даляраў на бяспеку мяжы. Аднак тады Майк Джонсан назваў праект «мёртванароджаным». У выніку 7 лютага рэспубліканцы ў Палаце прадстаўнікоў яго заблакавалі.

Рэспубліканцы настойваюць на тым, што дапамога Украіне павінна быць увязана з маштабнымі рэформамі ў сферы іміграцыі і перагляду палітыкі выдачы прытулку ў ЗША. У снежні 2023 года яны сваім галасаваннем у Сенаце ўжо блакіравалі законапраект.

Белы дом раней неаднаразова заяўляў, што без ухвалення гэтага фінансавання грошай на падтрымку Украіны ў ЗША не будзе. Байдэн называў такі расклад «падарункам» для Уладзіміра Пуціна.

Каментары3

  • Dziaŭbo
    13.02.2024
    Zahulalisia ŭ vybary...
  • Няхай Байдэна пераможа
    13.02.2024
    Цяпер справа за Кангрэсам, але там мала шанцаў!
  • Сярожа
    14.02.2024
    Такое впечатление что республиканцев в конгресс набирают на стометровке. Такую продажность ещё поискать.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць