Ежа22

Прафесар расказаў, колькі яек можна з'есці на Вялікдзень і як доўга можна трымаць вараныя яйкі на стале

Як правільна іх прыгатаваць — якім павінен быць жаўток, а якім бялок? Як захоўваць велікодныя яйкі, каб яны былі бяспечныя? Што рабіць, каб не пераесці ў святы? На гэтыя пытанні Delfi адказаў прафесар медыцынскага факультэта Віленскага ўніверсітэта Рымантас Стукас.

Прафесар Стукас сказаў, што ў наш час яйкі рэабілітаваныя, таму, калі чалавек правільна харчуецца, калі ён здаровы, калі ў яго няма хвароб, выкліканых няправільным харчаваннем, то адно яйка ў дзень шкоды не прынясе.

Ён дадаў, што чалавек, які правільна харчуецца, можа з'есці да 9 яек у тыдзень. «Часам мужчына, з'еўшы адно яйка, не наядаецца. Таму за раз можна з'есці 2-3 яйкі. Але больш за 9 на тыдзень есці не варта».

А вось людзям, у якіх павышаны ўзровень халестэрыну, ёсць залішняя вага, у якіх ёсць хваробы, выкліканыя няправільным харчаваннем, яйкі трэба есці радзей.

Стукас нагадаў і рэкамендацыю Сусветнай арганізацыі аховы здароўя, самая карысная частка яйкі — гэта бялок.

«У яйку ўтрымліваюцца ўсе неабходныя для нас рэчывы», — сказаў прафесар.

Па словах прафесара, яйка трэба варыць так, каб бялок цалкам зварыўся, а жаўток заставаўся вадкім.

Вядома, ёсць стравы, у якіх выкарыстоўваюць звараныя ўкрутую яйкі. У такім выпадку важна не пераварыць яйкі. Калі варыць яйка 15 хвілін і больш, яго пажыўная каштоўнасць знізіцца.

Фарбаваныя яйкі нельга ўвесь дзень трымаць на стале. Прафесар сказаў, што пры пакаёвай тэмпературы на стале яйкі нельга трымаць больш 2-3 гадзін, потым іх трэба прыбраць у халадзільнік. Калі яйкі лопнулі, то ў халадзільніку іх можна трымаць не даўжэй за два-тры дні.

Прафесар сказаў, што нядобра часта мяняць тэмпературу захоўвання яек — то даставаць з халадзільніка, то ставіць іх назад.

«Кладзіце на стол столькі яек, колькі плануеце з'есці за раз, астатнія не даставайце з халадзільніка».

Каб не пераядаць, прафесар рэкамендуе выконваць умеранасць.

«Яйкі часта ядуць з маянэзам, іх дадаюць у салаты, у якіх таксама ёсць маянэз. Яйкі ядуць з селядцом, а ён тлусты. Таму важная ўмеранасць, трэба атрымліваць асалоду ад ежы. Калі ў страўнік адначасова патрапіць шмат жытнай ежы, да чаго арганізм нязвыклы, ферменты могуць з гэтым не справіцца, могуць развіцца праблемы са здароўем. Таму важна есці ўмерана.

Кожны дзень трэба выконваць прынцып здаровага харчавання», — сказаў прафесар Стукас.

Чытайце таксама:

Як прыгожа, але экалагічна красіць яйкі да Вялікадня

Беларускія велікодныя традыцыі ў пытаннях і адказах

Як летам. У нядзелю да +25°С

Каментары2

  • Узяўся за яйцы масла прапала
    30.03.2024
    Тут за паіснеям трэба на "Пул першага" звярнуцца. )) ішчо Лепс дажэ співаў: "Яйцы на стале..."
  • Wow!
    30.03.2024
    Прама "прахвесар Салавей"!!!

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць