Грамадства3838

«Даведаліся пра цяжарнасць жонкі і набылі квіткі»: беларус два тыдні жыў на мосце ў Мексіцы, каб трапіць у ЗША

Беларус Сяргей Сцяпура распавядае ў тыктоку пра свой з каханай шлях да амерыканскай мары. Калі даведаліся, што ў хуткім часе іх стане трое, то рашыліся на эміграцыю ў ЗША. Разам з цяжарнай жонкай Сяргею давялося нават два тыдні жыць літаральна на мосце.

Скрыншот відэа ў тыктоку

На тое, каб дабрацца з Беларусі ў Амерыку, сям’і спатрэбілася каля 8 тысяч долараў. У відэа Сяргей распавядае, што, як толькі яны з жонкай даведаліся пра цяжарнасць, дык адразу прадалі машыну, сабралі ўсе свае зберажэнні ды набылі квіткі.

Маршрут атрымаўся складаны. З Беларусі будучыя бацькі паехалі ў Расію, адтуль вылецелі на Кубу.

— Усе квіткі мы набывалі праз турагенцтва. Тур на Кубу нам каштаваў 3 тысячы долараў. Калі б ляцелі не турам, можна было б да Мексікі даляцець за 2 тысячы на той час. У нас да Мексікі атрымалася за 5 тысяч.

@stepura.life Ответ пользователю @Raiymbek Mukhametzhan #беларусь #сша #мексика #россия #куба #жизньвсша #нашивсша #переездвсша #адаптация ♬ оригинальный звук - STEPURA LIFE

З Кубы пара паляцела ў Мексіку, дзе некалькі месяцаў чакала магчымасці прайсці мяжу з ЗША. Па прылёце ў маладых людзей з васьмі тысяч даляраў засталося ўсяго тры тысячы.

— Мы здымалі апартаменты за 300 долараў у месяц. І я яшчэ знайшоў працу, каб зарабляць на бягучыя выдаткі. Плацілі невялікія грошы, але хоць неяк хапала на пражыванне, на ежу і гэтак далей. А з бюджэту мы ўжо аплачвалі арэнду.

Сяргей адзначае: людзі робяць такі ж шлях і з дваццаццю, і з сарака тысячамі долараў у кашальку. Яны здымаюць у Мексіцы вілы і шчыра спадзяюцца, што змогуць злавіць дату для пераходу мяжы за тыдзень, у горшым выпадку за месяц — і спускаюць у выніку вялізарныя сумы, проста чакаючы прыдатнай магчымасці.

— Што значыць «злавіць дату»? Як толькі вы прыязджаеце ў Мексіку, трэба спампаваць афіцыйны дадатак для пераходу мяжы і прайсці ў ім рэгістрацыю. Пасля трэба запоўніць анкету, дзе пазначаеш усіх членаў сваёй сям'і, выбіраеш пункт пропуску, дзе будзеш пераходзіць мяжу, а пасля спрабуеш выбраць час — гэты працэс і называецца «лавіць дату». Штораніцы правяраеш, ці атрымліваеш ты запрашэнне на сустрэчу з афіцэрам, каб перайсці мяжу. У выпадку адмовы паўторна дасылаеш запыт. І так кожны дзень.

У сям’і грошы пачалі скончвацца праз тры месяцы, таму Сяргей з жонкай вырашылі ісці на мост Нуэва-Прагрэса, каб там чакаць сустрэчы з афіцэрам па жывой чарзе.

@stepura.life Backstage #беларусь #мексика #сша #нашивсша #cbp ♬ Paris - 3Hzwave

Пад відэа, у якім Сяргей паказвае, як жыў разам з цяжарнай жонкай проста на мосце ў намёце 2 тыдні, шмат абураных каментарыяў. Мужчына тлумачыць, што такая сітуацыя адбылася таму, што гэта была рэальная магчымасць усё ж прайсці мяжу і трапіць у ЗША.

Першы час сям’я планавала жыць у свайго паручыцеля ў Нью-Ёрку, але, як кажа Сяргей, не склалася. Таму прыйшлося тэрмінова шукаць жыллё — пара адправілася ў размеркавальны цэнтр і ў выніку засялілася ў шэлтар гатэльнага тыпу.

Цяпер мужчына шукае працу ў Амерыцы, яго жонка хутка павінна нарадзіць.

На акаўнт звярнулі ўвагу і лукашэнкаўскія тэлеграм-каналы. Яны сталі высмейваць сям'ю ў сваіх допісах.

Каментары38

  • Абармот
    17.05.2024
    Экстрималы, конечно, но пусть им повезёт
  • не в бровь а в глаз
    17.05.2024
    молодец.
    не только сбежал от лукашизма но и обеспечил своему ребёнку паспорт нормальной страны
  • Янка
    17.05.2024
    Шкада што з-за з-за двух выключных ідыётаў ва ўладзе, людзі мараць пакінуць нашу мілую Айчыну

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»45

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць