Свет33

«Я шакаваная і злая». Скарлет Ёхансан абвінаваціла OpenAI у крадзяжы свайго голасу

Галівудская актрыса з беларускімі каранямі Скарлет Ёхансан публічна западозрыла гендырэктара OpenAI Сэма Альтмана ў наўмысным кланаванні яе голасу для агучкі штучнага інтэлекту (ШІ) ChatGPT і асабліва яго новай версіі Омні. Вось што Альтман заявіў у адказ.

Галівудская актрыса Скарлет Ёхансан і гендырэктар кампаніі OpeanAI Сэм Альтман. Фоты: Evan Agostini / Patrick Semansky / AP

Каманда юрыстаў Скарлет Ёхансан накіравала две скаргі ў кампанію OpenAI з-за наяўнасці ў нейрасетцы ChatGPT «вельмі падобнай на голас актрысы» агучкі пад працоўнай назвай Sky. Актрыса заяўляе, што ў мінулым гендырэктар OpenAI Сэм Альтман сам прасіў Ёхансан агучыць менавіта гэты галасавы рэжым, але яна адмовілася, піша выданне The Verge.

Выданне адзначае, што галасавы рэжым Sky (адзін з 5 асноўных галасоў ChatGPT) быў выкарыстаны для дэманстрацыі новай версіі нейрасеткі пад назвай Омні, калі менавіта гэтым голасам штучны інтэлект размаўляў з карыстальнікамі. 

Гэтая агучка існавала і раней, аднак версія Омні «напоўніла гэты голас жыццём і эмоцыямі», і яна стала вельмі падобная на рэальны голас Скарлет Ёхансан, што і выклікала абурэнне актрысы, заявілі ў камандзе юрыстаў Ёхансан.

Акрамя таго, у сваёй скарзе актрыса намякнула, што ў Сэма Альтмана ёсць на яе фетыш. Уся праблема ў фільме «Яна» («Her») 2013 года, які атрымаў 4 прэміі Оскар, дзе Скарлет Ёхансан агучыла «Саманту» — нейрасетку, з якой мае зносіны галоўны герой фільма.

«Самантай» не раз публічна захапляўся Сэм Альтман і ён зрабіў гэта яшчэ раз, калі галасавы рэжым Sky толькі стаў даступны для карыстальнікаў, намякнуўшы на падабенства новага рэжыму з голасам Скарлет Ёхансан у фільме, кажуць юрысты актрысы.

У сваю чаргу, Альтман у адказ на абвінавачванні Ёхансан заявіў, «што голас Sky не з'яўляецца голасам актрысы, і ён ніколі не хацеў, каб ён быў падобны на яе».

«Мы выбралі іншага чалавека для агучвання Sky яшчэ да любых нашых кантактаў з міс Ёхансан. З-за павагі да яе мы прыпынім выкарыстанне голасу Sky у нашых прадуктах. Мы прыносім прабачэнні Скарлет за тое, што не змаглі дасягнуць з ёй паразумення», — адказаў Сэм Альтман у каментарах для выдання The Verge.

У выніку і сама кампанія OpenAI абвясціла, што «на пэўны час прыбярэ голас Sky з ChatGPT і дапрацуе яго».

Каментары3

  • Люблю мой край старонку гэту
    21.05.2024
    Бацька Скарлет Ёхансан датчанін, маці яўрэйка. Па маці дзед польскі яўрэй, баба з нясвіжскіх яўрэяў. Такія сабе "беларускія карані"..... Нешта з Альтманам не падзялілі :))
  • Максим Дизайнер
    21.05.2024
    [Рэд. выдалена]
  • Fiz
    21.05.2024
    [Рэд. выдалена]

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць