Грамадства

На 104-м годзе жыцця памерла сястра Цэцылія Абухоўская

У сталым жыцці, пры Саветах, жанчыне-манахіні давялося ратаваць ад знішчэння абраз Езуса Міласэрнага — гэта быў сюжэт, варты дэтэктыўнага рамана.

Фота: grodnensis.by

Кангрэгацыя Сясцёр Маці Міласэрнасці (Вастрабрамскай) паведаміла, што 3 чэрвеня ў Доме міласэрнасці ў Каменцы (Шчучынскі дэканат) на 104-м годзе жыцця памерла сястра Цэцылія Абухоўская — былая генеральная настаяцельніца Кангрэгацыі Сясцёр Маці Міласэрнасці, піша catholic.by.

Цырымонія развітання пройдзе сёння ў Каменцы, а пахаваюць паважаную жанчыну ў сераду.

Сястра Цэцылія Абухоўская нарадзілася ў 1920 годзе. Яна ганарылася, што нарадзілася ў адзін год з Каралем Вайтылам — будучым Папам Янам Паўлам II.

У 1950 годзе прынесла манаскія абяцанні. У часы пераследу веры пра тое, што яна з’яўляецца законніцай, ведалі толькі яе маці і родная сястра. 

З 1959 года была арганісткай у парафіі Божага Цела ў Крамяніцы (Гродзенская дыяцэзія, Ваўкавыскі дэканат). Пасля дзесяці гадоў служэння ў Крамяніцы прыехала разам з ксяндзом Юзафам Грасевічам у Каменку. Была там арганісткай, дапамагала ксяндзу Юзафу ў душпастырстве.

На працягу 25 гадоў Цэцылія была генеральнай настаяцельніцай Кангрэгацыі Сясцёр Маці Міласэрнасці (Вастрабрамскай), будучы адказнай за ўсю супольнасць. 

У савецкія часы яны выратавала ад знішчэння абраз Езуса Міласэрнага.

«Усё маёй рукой рабілася», — адзначала яна, узгадваючы, як падмяняла і перавозіла рэліквію з Новай Руды ля Гродна ў Вільню.

Абраз захоўваўся ў святыні невялічкай вёскі на працягу 30-ці гадоў (1956—1986 гг.). Апынуўся там з прычыны ганенняў на Касцёл у Літве. Аднак варожыя настроі хутка сталі адчувальнымі і на тэрыторыі сучаснай Беларусі. Мясцовыя ўлады пастанавілі зрабіць з касцёла ў Новай Рудзе гаспадарчы склад, што пазней і было здзейснена. Са святыні павыносілі амаль усе рэчы, узяліся нават разбіраць алтар… Аднак абраз Езуса Міласэрнага пакінулі. Ён вісеў высока пад столлю, і быццам не знайшлося драбін патрэбнай вышыні, каб зняць яго. 

У часы ганенняў на Касцёл сястра Цэцылія не магла паказваць, што з’яўляецца манахіняй. Аб гэтым ведалі выключна блізкія. Яна не магла насіць хабіт (адпавены строй) і адкрыта выконваць сваю паслугу. Была вымушана ўкрывацца і займацца іншай працай. Напрыклад, у Парэччы апекавалася сталым чалавекам і дзецьмі, а ў Друскеніках (Літва) працавала кухаркай у санаторыі. 

Было вырашана вярнуць абраз у Вільню. На момант памятных падзей сястра Цэцылія і яе паплечніца сястра Тэрэза былі ў сталым узросце, аднак гэта не перашкодзіла ім разам правесці складаную аперацыю.

«За справу ўзяліся мы ўдваіх ды яшчэ спадар Вацлаў, кіроўца, — распавядала с. Цэцылія. — Рабілі ўсё ў прыцемках, у вялікай таямніцы. Сястра Тэрэза хоць была значна старэйшая за мяне, адрознівалася вялікай спрытнасцю. Праз хоры мы ўзлезлі на гарышча і дэмантавалі частку драўлянай сцяны. Затым уцягнулі арыгінал і павесілі замест яго загадзя падрыхтаваную копію. На шчасце, абраз не быў цяжкі. Дасталі яго з рамы і скруцілі ў рулон».

Да Гродна дабраліся на машыне, а пасля пераселі на цягнік, які дамчаў іх у Вільню. Манахіня ўзгадвае, што моцна хвалявалася, калі перавозілі абраз. Падчас падарожжа да іх падазрона прыглядаліся мінакі: увагу прыцягваў прадаўгаватай формы скрутак.

У Вільні манахіні накіраваліся ў касцёл Святога Духа. Як і было ўзгоднена, с. Цэцылія падышла да пробашча Аляксандра Кашкевіча і паведаміла, што прывезла абраз. У святыні для яго ўжо было падрыхтавана месца і замоўлена пазалочаная рама.

Касцёл святой Тройцы ў Вільні. Вострая Брама злева ад яго.

Праз некаторы час рэліквія была перанесена з касцёла Святога Духа ў касцёл Святой Тройцы, дзе паўстаў першы ў Літве санктуарый Божай Міласэрнасці. Там абраз сустракае паломнікаў з усяго свету да сёння.

Абраз Езуса Міласэрнага. Фота: catholic.by

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць