Спорт

У якой краіне самыя вялікія прызавыя за перамогу на парыжскай Алімпіядзе? Сама краіна зусім невялікая

Выданне Forbes супаставіла інфармацыю з усяго свету і высветліла, што самую вялікую ўзнагароду за залаты медаль летніх Алімпійскіх гульняў-2024 абяцае сваім грамадзянам Ганконг — 768 тысяч долараў. Прычым за срэбра тут таксама належыць больш, чым ва ўсіх іншых краінах за золата — 380 000 долараў.

Гэты залаты медаль на шыі фехтавальніцы з Ганконга Вівіян Кон робіць з яе ледзь не мільянерку. Фота: AP Photo/Andrew Medichini

На другім месцы — Ізраіль (275 тысяч долараў), а на трэцім — Сербія (218 тысяч долараў).

У топ-5 таксама ўвайшлі Малайзія (214 тысяч долараў) і Італія (196 тысяч долараў).

Менш за ўсё абяцаюць за спартыўныя дасягненні ў Аўстраліі (13 тысяч долараў), Даніі і Канадзе (па 15 тысяч долараў).

Праўда, гэты рэйтынг не зусім усеахопны, бо ў яго ўключаныя звесткі толькі па 33 краінах, між тым як увогуле ў гульнях удзельнічаюць больш за 200.

Трэба сказаць, што ганкогскіх спартсменаў такія прызавыя насамрэч добра матывуюць. Бо парыжская Алімпіяда яшчэ толькі пачалася, а ў Ганконга ўжо чатыры медалі — 2 залатыя і 2 бронзавыя. Абодва золата здабытыя ў фехтаванні: шпажысткай Вівіян Кон і рапірыстам Чун Ка Лонгам. Абедзве бронзы на рахунку плыўчыхі Шывон Бернадэт Хогі.

Зрэшты, наўрад ці ганконгскія ўлады шкадуюць пра такія стаўкі, і гэтыя поспехі сваіх атлетаў сталі для іх нечаканымі. Бо насамрэч яны ўжо хутчэй традыцыйныя: на апошніх Алімпійскіх гульнях у Токіа спартсмены зборнай Ганконга заваявалі шэсць медалёў, уключаючы золата ў тым жа фехтаванні. Да таго ж Ганконг прадугледжвае вялікія выплаты нават за непрызавыя месцы: за чацвёртае 100 000 долараў, а з пятага па восьмае — амаль 50 000.

Акрамя разавых выплат, многія краіны выплачваюць сваім чэмпіёнам нешта кшталту стыпендый. Напрыклад, Малайзія і Балгарыя пажыццёва выплачваюць залатым медалістам штомесячныя надбаўкі ў памеры больш за 1 тысячу долараў. Чылі, Косава і Літва гарантуюць падобныя выплаты на чатыры гады. У Новай Зеландыі прызёры Алімпіяды атрымліваюць 40 тысяч долараў у год да пачатку наступных Алімпійскіх гульняў. У Даніі ганарар не абкладаюць падаткамі.

Што да Беларусі, то тут за золата плацяць па 12 тысяч базавых велічынь, гэта каля 150 тысяч долараў.

Каментары

Цяпер чытаюць

Від на Каложскую царкву безнадзейна сапсаваны10

Від на Каложскую царкву безнадзейна сапсаваны

Усе навіны →
Усе навіны

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой57

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін10

Навукоўцы прыдумалі аднаразовыя кубачкі для кавы без кроплі пластыку2

больш чытаных навін
больш лайканых навін

Від на Каложскую царкву безнадзейна сапсаваны10

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць