Грамадства

Лукашэнка падпісаў указ аб рамеснай дзейнасці. Што ў ім?

Аляксандр Лукашэнка 21 жніўня падпісаў Указ № 328 «Аб ажыццяўленні фізічнымі асобамі рамеснай дзейнасці». Ураду даручана да 1 верасня вызначыць пералік відаў рамеснай дзейнасці.

З 1 кастрычніка рэгістрацыя фізічных асоб у якасці рамеснікаў будзе ажыццяўляцца ў адпаведнасці з дадзеным пералікам.

У гэты пералік, у прыватнасці, плануецца ўключыць кавальскую справу, мастацкую апрацоўку і роспіс вырабаў з дрэва, каменя, керамікі, выраб пражы, а таксама асобныя традыцыйныя нацыянальныя віды рамёстваў.

Адначасова ў мэтах адраджэння ўнікальных рамёстваў мясцовыя органы ўлады надзелены правам вызначаць дадатковыя віды такой дзейнасці на сваёй тэрыторыі.

У залежнасці ад рэжыму падаткаабкладання ажыццяўленне рамеснай дзейнасці будзе магчыма пры выплаце падатку на прафесійны даход альбо рамеснага збору.

Да падставаў для прыняцця мясцовымі органамі рашэння аб выплаце фізічнай асобай рамеснага збору ўказам аднесены наяўнасць статусу народнага майстра, членства ў Беларускім саюзе майстроў народнай творчасці, праца на пасадзе майстра народных промыслаў (рамёстваў), атрыманне пенсіі па ўзросце або за выслугу гадоў, інваліднасць I або II групы, пражыванне ў маланаселеным пункце (да 50 чалавек).

Ва ўказе таксама вызначаны парадак пачатку ажыццяўлення рамеснай дзейнасці.

Для гэтага спатрэбіцца атрымаць паведамленне праз мабільны дадатак «Падатак на прафесійны даход» пры выплаце такога падатку ці адміністрацыйнае рашэнне мясцовых органаў улады пры выплаце рамеснага збору.

Дакумент забараняе выкарыстоўваць у рамеснай дзейнасці прамысловыя машыны і абсталяванне. Рамеснікам можна прадаваць вырабы на арандаваных плошчах у гандлёвых і іншых аб'ектах, гандлёвых цэнтрах, у інтэрнэце, а таксама праз юрыдычныя асобы і індывідуальных прадпрымальнікаў па грамадзянска-прававых дагаворах.

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць