Грамадства55

Зняволены расказаў, як сядзеў у калоніі ў Глыбокім у суседняй камеры са Статкевічам

Руслан Акостка — салігорскі дэсантнік. Апошнія чатыры гады ён правёў за кратамі — за тое, што прайшоў праз увесь Салігорск з бел-чырвона-белым сцягам. Такім чынам ён ушанаваў памяць забітага Рамана Бандарэнкі. Частку свайго тэрміну Акостка адбываў у калоніі асобага рэжыму №13 у Глыбокім — дзе ўтрымліваюць Міколу Статкевіча.

Мікалай Статкевіч

Спачатку Акостку накіравалі адбываць прысуд у віцебскую калонію №3. Там завялі яшчэ адну крымінальную справу, за «непадпарадкаванне адміністрацыі» і ў выніку дадалі яшчэ год зняволення. Пасля гэтага Акостка трапіў у калонію асобага рэжыму №13 у Глыбокім.

Руслан Акостка. Фота: «Вясна»

«Мікола Статкевіч знаходзіцца на асобым рэжыме, я быў на строгім. Зняволеныя з розным рэжымамі падзеленыя. Але мы ўсё ж часам перасякаліся са зняволенымі на асобым рэжыме. Канкрэтна Статкевіча я не бачыў, бо ён адмовіўся быць у жылой зоне, і сядзеў ён у адзіночцы. Але я сядзеў з ім побач, няхай не ў адной камеры, але ў камеры па суседстве ў штрафным ізалятары», — расказвае былы палітвязень.

Акостка кажа, што гэта адбывалася прыкладна ў верасні-кастрычніку 2022 года:

«На той момант у Міколы ўсё было нармальна — наколькі гэта магчыма ў такой сітуацыі. Трэба разумець, што інфармацыя аб такіх людзях распаўсюджваецца цяжка. І нават калі яна з'явілася, яе трэба правяраць тысячу разоў. Бо інфармацыю пра палітычных зняволеных — асабліва вядомых — могуць запускаць у народ супрацоўнікі адміністрацыі. І такія навіны могуць быць хлуслівымі».

У пачатку студзеня 2023 года Руслана Акостку перавялі ў калонію №9 у Горках.

Нагадаем, Міколу Статкевіча затрымалі 31 мая 2020 года, калі ён ехаў на Камароўку на пікет Святланы Ціханоўскай. Праз паўтара года асудзілі на 14 гадоў калоніі асобага рэжыму.

З лютага 2023 года пра яго нічога не чутна. Яго, як і Сяргея Ціханоўскага, Віктара Бабарыку, Марыю Калеснікаву, Максіма Знака, Ігара Лосіка, утрымліваюць у рэжыме поўнай ізаляцыі.

Інфармацыі пра Статкевіча менш, чым пра ўсіх астатніх, бо ён як «рэцыдывіст» знаходзіцца ў калоніі ў Глыбокім. Там трымаюць яшчэ толькі аднаго палітвязня — рэйкавага партызана Віталя Мельніка.

Каментары5

  • Былы пазьняковец
    29.09.2024
    Перастукваліся напэўна?
  • Такарчучка з ўнівэрсаму Белоруссія і Стрыжак
    29.09.2024
    Як бы зьявілася магчымасьць вызваліць з дапамогай расейскае апазыцыі, няхай лепей Статкевіч сядзіць
  • Алесь
    30.09.2024
    Не хапае ў загалоўку "у 2022 годзе". Бо спачатку вельмі ўсцешыўся, што з'явілася нарэшце інфармацыя, але прачытаў тэкст і нават нейкая роспач ахапіла.
    Людзі, што вы робіце? Чаму заўжды, калі пішуць пра Міколу Статкевіча апошнія два гады, то абавязкова трэба пісаць яшчэ пра некалькіх палітвязняў? Пры гэтым, пра Лосіка, Бабарыку, Калеснікаву, Ціханоўскага ў незалежных СМІ, то ўвесь час ідзе інфармацыя (самі можаце прагугліць), а на пытанне ці жывы Мікола Статкевіч адказу няма.
    Што ж гэта адбываецца?

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА4

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай90

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

Беларускі хлеб збіраюцца захоўваць па паўгода1

Ці можна перамагчы баршчэўнік воцатам і соллю?3

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць