Музыка33

Лэдзі Гага выпусціла пад Хэлаўін дзіўны і жудасны кліп на сінгл «Disease». Здаецца, гэта новы хіт

У кліпе, знятым украінскай рэжысёркай, Лэдзі Гага змагаецца са сваімі ўнутранымі дэманамі пад дарк-электра-поп. Крытыкі падзяліліся: адныя называюць трэк вяртаннем да класічнага гучання, іншыя — новай эрай у творчасці спявачкі. 

Лэдзі Гага спрабуе зжыцца з унутранымі дэманамі. Кадр з кліпа

Новы сінгл спявачка анансавала яшчэ ў пачатку мінулага тыдня, а яго прэм'ера адбылася 25 кастрычніка. Трэк «Disease» (Хвароба) увойдзе ў доўгачаканы сёмы музычны альбом артысткі і дае першае ўяўленне пра яго.

Сёння на YouTube з'явіўся і афіцыйны кліп «Disease», у якім Лэдзі Гага супрацьстаіць розным версіям сябе, некаторыя з якіх выглядаюць сапраўды жудасна, спрабуючы аднавіць кантроль над самымі глыбокімі страхамі. 

Напярэдадні сусветнай прэм'еры кліпа спявачка падзялілася значэннем песні ў сваім Instagram.

«Я шмат думаю пра адносіны са сваімі ўнутранымі дэманамі. Мне заўжды было цяжка прызнаць, як хаос і сумятня спакушаюць мяне. Гэта выклікае ў мяне пачуццё клаўстрафобіі.

«Disease» — гэта сутыкненне з гэтым страхам, сутыкненне з самой сабой і сваёй унутранай цемрай і ўсведамленне таго, што часам я не магу перамагчы або пазбегнуць тых частак сябе, якія мяне палохаюць. Што я магу паспрабаваць уцячы ад іх, але яны ўсё яшчэ частка мяне, і я магу бегчы і бегчы, але ў рэшце рэшт я зноў сустрэну гэтую частку сябе, нават калі толькі на імгненне.

Танцы, змяненне, уцёкі, ачышчэнне. Зноў і зноў, зноў з сабой. Гэтае з'яднанне ўрэшце цудоўнае для мяне, бо яно — маё, і я навучылася з ім спраўляцца», — напісала яна.

Лэдзі Гага ў бессэнсоўных уцёках ад самой сябе. Кадр з кліпа

«Disease» зноў вяртае нас да змрочных і максімалісцкіх сінглаў канца 2000-х і пачатку 2010-х гадоў, якія прынеслі сусветную славу спявачцы. Побач з выбуховым прыпевам і простымі, але трапнымі вакальнымі хукамі (гэтае «а-ааа!») — меладраматычны тэкст песні пра сілу кахання, якая здольная «вылечыць тваю хваробу».

Менавіта такімі захапляльнымі і эксцэнтрычнымі песнямі Лэдзі Гага і заваявала калісьці ўвесь свет. Аматары шалёнага сінгла «Bad Romance» дакладна не застануцца абыякавымі да апакаліптычнага рытму «Disease».

Пакуль адны крытыкі пішуць пра яе вяртанне да класічнай формы і гучання, іншыя заяўляюць пра новую эру ў музычнай кар'еры Лэдзі Гагі. Фанаты ж спявачкі засталіся ў захапленні ад трэка і вакалу спявачкі. Яны былі зачараваныя гучаннем, а ролік з жудаснымі вобразамі, якія якраз пасуюць да Хэлаўіна, ужо разабралі на цытаты і мемы.

Кадр з кліпа

Дарэчы, новы кліп Гагі зрэжысавала ўкраінка Таня Муінья. Як вядома, раней кліпмэйкерка стварыла ролікі для Лені Кравіца, Гары Стайлза, Кэці Пэры, The Weeknd, Джэніфер Лопес і Дуа Ліпы.

Ва Украіне Муінья з'яўляецца рэкардсменкай па колькасці ўзнагарод у намінацыі «Найлепшы відэакліп» штогадовай прэміі YUNA. Яна таксама была рэжысёрам нумара Alyona Alyona і Jerry Heil на Еўрабачанні 2024 года.

Выхад новага сёмага студыйнага альбому Лэдзі Гагі «LG7» запланаваны на люты. Апошні яе музычны альбом «Chromatica» выйшаў у 2020 годзе.

Кадр з кліпа

Апошнія гады Гага надавала больш увагі сваёй акцёрскай кар'еры. Напрыканцы верасня яна выпусціла альбом «Harlequin», прымеркаваны да прэм'еры фільма «Джокер: шаленства на дваіх», у якім яна сыграла адну з галоўных роляў. Альбом стаў трэцім альбомам спявачкі, які заняў 1-е месца ў джазавым рэйтынгу Billboard.

Шалёны поспех мела і песня «Die With a Smile» (Памерці з усмешкай), якая была запісаная ў дуэце з Бруна Марсам і выпушчана ў жніўні, якая дасягнула 3-га месца Billboard Hot 100 і трымаецца ў верхніх пазіцыях дагэтуль. На Spotify песня ўжо сабрала звыш 770 мільёнаў праслухоўвання, а яе афіцыйны кліп набраў каля 230 мільёнаў праглядаў на YouTube. 

«Наша Нiва» — бастыён беларушчыны

ПАДТРЫМАЦЬ

Каментары3

  • Саўка Нуты
    31.10.2024
    "Здаецца, гэта новы хіт". Здаецца - хрысціцеся. А я пайду слухаць сваіх "Песняроў".
  • Моладзь
    31.10.2024
    Саўка Нуты, вам ужо паміраць трэба, а не Песняроў слухаць, дзядуля
  • Disorder
    31.10.2024
    Папса не музыка, а хвароба.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»41

Стала вядома, як будзе выглядаць выпраўленая скульптура беларускай жанчыны ў Быхаве19

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай93

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць