Свет33

У Літве загінуў былы расійскі неанацыст «Казак», які быў супраць Пуціна

Неанацыст Дзмітрый Новікаў за сваю дзейнасць правёў у турме 14 гадоў. Калі ў 2019 годзе вызваліўся, то ўцёк з Расіі ва Украіну. А апошнія гады жыў у Літве.

Дзмітрый Новікаў Дмитрий Новиков Dmitry Novikov
Дзмітрый Новікаў. Фота: t.me/mash

Як пішуць расійскія тэлеграм-каналы, 23 кастрычніка ў Літве недалёка ад вёскі Яўнішкес, на трасе Рыга — Шаўлі — Таўрогі — Калінінград грузавік збіў мужчыну, які ад атрыманых траўм памёр на месцы. Як высветлілася пазней, ахвярай стаў адзін з вядомых у мінулым актывістаў неанацысцкага руху ў Татарстане Дзмітрый Новік па мянушцы «Казак».

За свае неанацысцкія погляды Новікаў правёў за кратамі 14 год. Першы тэрмін — 4 гады — ён атрымаў ва ўзросце 21 года, калі здзейсніў напад з нажом на свайго ідэйнага ворага — актывіста левых поглядаў. Пасля вызвалення ў 2008 годзе Новікаў стварыў моладзевую неанацысцкую групоўку «Казанская дывізія», якая арганізоўвала так званыя «белыя патрулі», падчас якіх збіваліся людзі неславянскай знешнасці.

У 2010 годзе яго зноў затрымалі за групавыя напады на антыфашыстаў, што прывяло да новага тэрміну зняволення — яшчэ 3,5 года. Да якога неўзабаве дадалі год за стварэнне экстрэмісцкай групоўкі.

Нават у турме Новікаў працягваў кіраваць «Казанскай дывізіяй» і нават падбухторваў сваіх прыхільнікаў да спробы падпалу будынка ўсетатарскага грамадскага цэнтра ў Казані.

Сілавікам удалося перахапіць перапіску і прадухіліць падпал. У выніку Новікаву дадалі яшчэ чатыры гады. Сам жа ён у інтэрв'ю літоўскім журналістам сцвярджаў, што справа была сфабрыкаваная.

У 2014 годзе, па словах самога Новікава, яму прапаноўвалі напісаць прашэнне аб памілаванні і адправіцца ў зону баявых дзеянняў у Данецкай і Луганскай абласцях. Але ён адмовіўся. Аднаму з літоўскіх выданняў Новікаў расказваў, што ў калоніі падвяргаўся катаванням і псіхічнаму ўздзеянню.

Апошнюю судзімасць — 2,5 года калоніі за экстрэмізм у інтэрнэце — Новікаў атрымаў неўзабаве пасля вызвалення. Мужчына сцвярджаў, што яго абвінавацілі ў рэпосце нейкіх выказванняў, якія ён не рабіў.

Дмітрый Новікаў у 2021 годзе. Фота: lrt.lt

Урэшце Новікаў з'ехаў ва Украіну і папрасіў там палітычны прытулак. Сцвярджаў, што «адным з першых выказваўся, што Пуцін і яго чыноўнікі — галоўныя ворагі Расіі», праводзіў мітынгі, а таксама падтрымліваў «Азоў».

Калі ж у прытулку было адмоўлена, то ў сакавіку 2021 года Новікаў праз Беларусь перабраўся ў Літву. Па ягоных словах, туды ён трапіў нелегальна па балотах.

У інтэрв'ю літоўскаму выданню ў 2021 годзе Новікаў расказваў, што, знаходзячыся ва Украіне ён займаўся арганізацыяй пратэстаў у абарону Аляксея Навальнага, даваў інтэрв'ю і расказваў пра тое, што адбываецца ў калоніі ва Уладзіміры.

23 кастрычніка 2024 года Новікаў пры загадкавых абставінах трапіў пад колы фуры.

Каментары3

  • 33
    02.11.2024
    Во - шчырых рускіх нацыстаў Летува прымае не пытаючысь пра нацыянальную бяспеку. праўда потым выглядае, што сама і забівае
  • Ага
    02.11.2024
    33, ды яшчэ направа і налева раздае грамадзянства сваё. Паводле дзіўнага зьбегу акалічнасьцяў, буйным бізнэсмэнам ды іхным «деятелям культуры» :)
  • Андрэй
    02.11.2024
    Ну нацыст - не літвініст - такім даваць прытулак можна 😁

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча4

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

Беларускі хлеб збіраюцца захоўваць па паўгода1

Ці можна перамагчы баршчэўнік воцатам і соллю?3

Еўрапейскім грузаперавозчыкам дазволілі ездзіць па тэрыторыі Беларусі. Але толькі пры пэўных умовах

Mark Formelle аб'явіў пра маштабны рэбрэндынг8

«А пятай раніцы спаць ужо немагчыма». Мінчук паскардзіўся ў Мінгарвыканкам на сабачы брэх

З-пад Пінска на Валынь сёння заляцеў паветраны зонд. Украіна лічыць гэта наўмыснай аперацыяй1

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча4

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць