Грамадства22

У Мінску адкрылі новы вялікі басейн, пабудаваны кітайцамі

Галоўная чаша басейна мае даўжыню 50 метраў, але ён можа пры патрэбе трансфармавацца і ў два 25-метровыя. Паведамляецца, што аб'ект быў пабудаваны «ў рамках гуманітарнага супрацоўніцтва Беларусі і Кітая».

Фота: «Анлайнер»

Сам комплекс падзелены на дзве часткі: для спаборніцтваў і грамадскую. У першым блоку два басейны па 50 метраў: плавальны і скачковы. Трыбуны будуць змяшчаць больш за 6 тысяч гледачоў. У басейне будуць трэніравацца зборныя краіны па водных відах спорту: плаванні, водным пола, сінхронным плаванні, а таксама па скачках у ваду.

Чашы басейнаў абсталяваныя падводнымі камерамі на дне, каб трэнеры маглі сачыць за тэхнікай спартсменаў.

Акрамя таго, тут ёсць камфортныя залы для сухой падрыхтоўкі, аднаўленчы цэнтр, гідракабінет для аднаўлення, пункт грамадскага харчавання, пакоі адпачынку.

У спарткомплексе ўсё аўтаматызавана.

Паведамляецца, што гэта першы ў Беларусі басейн, які цалкам адпавядае міжнародным стандартам.

Размяшчаецца басейн на вуліцы Кальварыйскай, а пачалі яго будаваць у красавіку 2020 года на месцы знесеных двухпавярховых дамоў і друкарні «Чырвоная зорка». Сродкі з дзяржбюджэту вылучаліся толькі на падрыхтоўку пляцоўкі да будаўніцтва. Кітайскі ж бок узяў на сябе абавязацельствы не толькі па будаўніцтве басейна, але і па абслугоўванні аб'екта на працягу двух гадоў пасля ўводу ў эксплуатацыю.

Адкрываць басейн прыязджаў сам Лукашэнка, гэта відавочна частка ягонай перадвыбарчай кампаніі. У сваім выступленні ён адзначыў ролю кітайцаў у пабудове гэтага аб'екта і заявіў пра неабходнасць прадумвання «пракітайскай кампазіцыі каля стадыёна».

Каментары2

  • Вольга
    06.11.2024
    Добра, што нешта будуюць.
  • Ёсік
    06.11.2024
    Бачыў сёньня на плошчы Перамогі ЧЗ сцягі і расейскі. Вось не зразумеў, навошта там расейскі, калі рэвалюцыя была супраць цара, супраць двухгаловага арла. Расейцы і выкрэсьлілі гэты дзень са святаў, бо зноў да цара пацягнула.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць