Грамадства11

Памёр нядаўна асуджаны за «экстрэмізм» экс-дырэктар Гомельскага тэатра лялек Дзмітрый Гарэлік

Сёння, 2 студзеня, памёр былы дырэктар Гомельскага тэатра лялек Дзмітрый Гарэлік. Яму было 63 гады. Пра гэта яго сябры паведамілі ў сацыяльных сетках, піша «Люстэрка».

Дзмітрый Гарэлік атрымаў адукацыю ў будаўнічым тэхнікуме. Але паралельна сам арганізаваў аматарскі калектыў у Доме настаўніка. Калі ў другой палове 1980-х пачаўся кааператыўны рух, ён разам з таварышам стварыў кааператыў, які вырабляў тэатральныя лялькі для продажу дзіцячым садкам, школам і аматарскім гурткам. Некаторы час працаваў інжынерам тэхнагляду, а з 1 чэрвеня 1992 году стаў дырэктарам Гомельскага тэатра лялек.

Гэты калектыў працуе ў Гомелі з 1968 года. Менавіта пры Гарэліку ў 2002 годзе тэатр атрымаў новы будынак і пераехаў туды праз два гады. Як адзначаецца на сайце калектыву, «гастрольна-фестывальная геаграфія тэатра ахоплівае прастору ад Атлантычнага ўзбярэжжа Іспаніі да Ціхаакіянскага ўзбярэжжа Уладзівастока, ад сталіцы Рэспублікі Комі да Шры-Ланкі. <…>. Тэатр неаднаразова станавіўся лаўрэатам і дыпламантам розных міжнародных тэатральных фестываляў у Беларусі, Расіі, Украіне, Казахстане, Таджыкістане, Латвіі, Італіі, Гішпаніі, Славакіі, Германіі, Індыі, Шры-Ланцы і іншых краінах».

У студзені 2024 года Гарэліка судзілі паводле ч. 2 арт. 19.11 КоАП (Распаўсюд экстрэмісцкіх матэрыялаў). Праваабаронцы тады так і не даведаліся, у чым канкрэтна яго абвінавачвалі і якое рашэнне вынес суд.

У жніўні гэтага года стала вядома, што Гарэліка звольнілі. Калі дакладна гэта адбылося, невядома. На 14 мая 2024 года пасада дырэктара ўжо была вакантнай. Дарэчы, гэтая пасада так і засталася вакантнай.

Каментары1

  • M.O.
    03.01.2025
    мір ягонай душы

Цяпер чытаюць

Від на Каложскую царкву безнадзейна сапсаваны21

Від на Каложскую царкву безнадзейна сапсаваны

Усе навіны →
Усе навіны

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой57

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін10

больш чытаных навін
больш лайканых навін

Від на Каложскую царкву безнадзейна сапсаваны21

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць