Грамадства1515

«Мы нікога ад мігрантаў абараняць не будзем». Лукашэнка прагназуе новы крызіс на заходніх межах

Падчас наведвання царквы ў Лагойску Аляксандр Лукашэнка раптам расказаў пра «сур'ёзны выклік у сферы міграцыі».

Лукашэнка 26 снежня 2024 года Gavriil Grigorov Sputnik Kremlin Pool Photo via AP

«Хацеў вас папярэдзіць, што і ўнутры ў нас праблем хапае. І выклікі з'яўляюцца пастаянна. Можна сказаць кожны месяц. Апошні выклік, вы яго яшчэ, напэўна, не заўважылі, ну і дзякуй богу (гэта мая праца, праца ўрада, органаў улады), — гэта вымушаная міграцыя людзей. Людзей, якія ўцякаюць ад вайны», — сказаў Лукашэнка, не ўдакладніўшы, хто і ад якой вайны ўцякае.

Таксама, па яго словах, у Беларусь прыбываюць і працоўныя мігранты:

«Мяне ўжо інфармуюць, што пачынаюць падцягвацца людзі з Усходу. Не толькі тыя, якія хочуць нам нейкай варожасці і вайны. Не, падцягваюцца людзі, якія хочуць жыць, працаваць, зарабляць і нейкую капейку пасылаць на радзіму, каб пракарміць сваіх дзяцей.

@nashaniva «Жыве Беларусь» Як Лукашэнка адрэагаваў на словы Зяленскага #лукашенко #зеленский #всу #зсу #украина #беларусь #политика #новости ♬ So Funny - Blake Ernst

Але ўся бяда ў тым, што гэтыя людзі далёкія ад тых спраў, якія мы вырашаем. Яны некампетэнтныя. Яны прафесійна не падрыхтаваныя. Гэта таксама нястрашна. Галоўнае, каб гэтыя людзі хацелі працаваць і вучыцца. Наш народ можа навучыць людзей. Працоўныя рэсурсы нам патрэбны. Але некантраляваная міграцыя — гэта бяда», — заявіў Аляксандр Лукашэнка.

Таксама напярэдадні прэзідэнцкіх выбараў ён спрагназаваў пагаршэнне сітуацыі на заходніх межах Беларусі. 

«Да нас едуць розныя людзі. А праз нас цяпер вялізны транзіт на Захад, куды яны імкнуцца. І нас усё вінавацяць у тым, што мы спрыяем гэтай міграцыі.

Я заўсёды быў сумленны. Мы нікога ад мігрантаў абараняць не будзем. Асабліва тых, хто ўводзіць супраць нас эканамічныя санкцыі. Чаму мы іх павінны абараняць?» — дадаў Лукашэнка.

Нагадаем, што ў 2021 годзе на граніцах Беларусі з краінамі Еўрасаюза ўзнік штучна створаны мігранцкі крызіс. Тысячы грамадзян бліжнеўсходніх і афрыканскіх краін прыбывалі ў Мінск, адкуль дабіраліся да мяжы і спрабавалі трапіць на Захад. Улады і сілавікі не толькі не перашкаджалі гэтаму працэсу, а нават яму спрыялі. У лістападзе таго ж года наступіў пік крызісу: вялізны натоўп дэманстратыўна спрабаваў прарвацца ў Польшчу праз пагранічны пункт Брузгі.

У выніку палякі адгарадзіліся ад нашай краіны вялікім металічным плотам. А на мяжы Беларусі з Польшчай і Літвой засталіся адкрытымі толькі па два з шасці пунктаў пропуску, на мяжы з Латвіяй — адзін з двух.

Каментары15

  • Спадар
    07.01.2025
    Зноў яно плявузгае ---- "пустую бочку далека чуваць"...
  • Цьху
    07.01.2025
    Я тут бы вось на што звярнуў увагу, як Лукашэнка хутка пераўтварыў Беларусь у расейскую губернію.
    Ён ужо рыхтуе глебу, што з азіяцкіх краін, якія з большасці мусульманскія, будуць масава прыязжаць да нас працоўныя мігранты, а законы ўжо прыняты для іх спрошчанага афармлення. І гэта ўжо пачалося, зараз у Мінску ледзь не траціна ўсіх таксістаў гэта выхадцы з сярэдняй Азіі, якія ні горада не ведаюць, ні мовы, ні нават языка, дык яшчэ й кіруюць на азіяцкі манер. Вось якая крывадушная і антыбеларуская палітыка ў Лукашэнкі - сваіх грамадзян кінуць у турму, пад каток рэпрэсій ці віціснуць з краіны, каб на іх месца завезці мігрантаў з сярэдняй Азіі.
  • Лёлік з-пад Лімасола
    07.01.2025
    ну нічога новага, але хай паспрабуе
    нават цікава, як заенчыць, калі Польска заблакуе мяжу для фур

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай90

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

Беларускі хлеб збіраюцца захоўваць па паўгода1

Ці можна перамагчы баршчэўнік воцатам і соллю?3

Еўрапейскім грузаперавозчыкам дазволілі ездзіць па тэрыторыі Беларусі. Але толькі пры пэўных умовах

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць