Усяго патроху1818

«Спадзяюся, гэта ўбачаць у Амерыцы і ў чарговы раз пачнуць нам зайздросціць». Тыкток смяецца з гомельскага аэрапорта

Блогерка паказала ў тыктоку, як выглядае зона вылету ў гомельскім аэрапорце. Здаецца, час тут спыніўся некалькі дзесяцігоддзяў таму.

Скрыншот відэа ў тыктоку

Вераніка вылятала з аэрапорта Гомеля ў Маскву і вырашыла зняць відэа для тыктоку і паказаць, як той выглядае. Кажа, сама была ў шоку. Зона рэгістрацыі больш-менш прыстойная. Ёсць дзве стойкі рэгістрацыі і нават кафетэрый. Але здзіўляе, канешне, адсутнасць людзей (у кадр трапіла ўсяго два чалавекі) і мёртвая цішыня.

Побач з аэрапортам амаль што пустая паркоўка — нягледзячы на тое, што бясплатная. Як кажа тыктокерка, тыя некалькі прыпаркаваных машын хутчэй за ўсё належаць рыбакам, якія прыехалі на возера ля аэрапорта.

@veronika_mur #гомель #путешествие #отдых #аэропорт ♬ оригинальный звук - veronika_mur

А вось зона вылету выглядае так, быццам тут прынцыпова вырашылі пакінуць музей савецкай грамадзянскай авіяцыі. Разбітыя падлогі, пафарбаваныя фарбай жудаснага зялёнага колеру сцены. У куце сумуюць вядро і швабра, на якую нейкі гаспадарлівы супрацоўнік прыляпіў раздрукаваны на прынтары надпіс «Для туалетаў». Затое на сцяне можна ўбачыць строгае папярэджанне для замежнікаў: «No smoking!».

Скрыншоты відэа ў тыктоку

— Бачыце, як сучасна, — сумна жартуе Вераніка і пасля дадае: — У мяне такое адчуванне, быццам я ў 80-я трапіла.

Кафетэрый таксама выглядае вельмі сціпла.

За тры дні відэа набрала каля 420 тысяч праглядаў. Каментатары кпяць. «Спадзяюся, што гэта пабачаць у Амерыцы і ў чарговы раз пачнуць нам зайздросціць», — напісала адна жанчына. Другая адзначыла, што ляцела з гэтага аэрапорта каля 30 гадоў назад: «Вось гэта стабільнасць! Нічога не змянілася!»

А нехта спытаў: «А дакладна гэта не вакзал у вёсцы?». Яшчэ адна каментатарка растлумачыла сітуацыю: «Вы не зразумелі? Гэта ж музей СССР! Рэтра аэрапорт! Вы нідзе больш такога не пабачыце. Гэта такі дызайн».

Былі і рацыяналізатарскія прапановы здаваць аэрапорт у арэнду кіношнікам, каб хоць неяк пачаць на ім зарабляць.

Былі і каментары пра тое, што нічога дрэннага ў такім аэрапорце няма і трэба шанаваць тое, што ёсць.

@veronika_mur

♬ оригинальный звук - veronika_mur

У адказ такім непераборлівым беларусам блогерка запісала відэа ў аэрапорце Самарканда (жанчына ляцела ў адпачынак ва Узбекістан з Гомеля праз Маскву). Жыве ў гэтым горадзе крыху больш чалавек, чым у Гомелі, — каля 550 тысяч. Але ж аэрапорт Самарканда выглядае сучасна, людзей там відавочна больш.

Яшчэ ў адным відэа Вераніка кажа:

— Хацелася б бачыць наш аэрапорт у лепшым выглядзе. Бо гэта міжнародны аэрапорт, на секунду. Гэта не сельскі аэрапорт, не ўнутраны. Хацелася б, каб ён выглядаў прэзентабельна для людзей, таму што гэта першае ўражанне аб нашай краіне.

Каментары18

  • Бартош
    03.02.2025
    людзі яшчэ нейкія ціктокі здымаюць. зараз за любое відэа можа прыехаць губазік, паставіць да сценкі і будзеш выбачацца. і штраф дадуць у лепшым выпадку.
  • Лучшэ бы па плашчадям шастала
    03.02.2025
    Нашто табе аэрапорт, трыдцать кілометраў лінія фронту!! Заўтра УПА будзе ў Гомлі, дый з найноўшым аэрапортам, ага! Ніхто ўкладать у прыфрантавую зону не будзе ні капейцы! Людзі жывуть у пошным адрыве ад рэчаіснасці, у нас ідзе вайна які самарканд табе!
  • Витебск
    03.02.2025
    Сравнили Узбекистан с Беларусью! Не может провинция московии жить лучше любой страны 3 мира. Беларусь находится где-то между Афганистаном и северной Кореей.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць