Грамадства11

Па вуліцах горада бегае ліса. Ці трэба хвалявацца?

Жыхары райцэнтра Крупкі пішуць у сацсетках, што бачылі ў розных месцах горада лісу, а можа іх нават і дзве. Камусьці звер кідаўся пад колы машыны, а камусьці проста перабягаў дарогу. Тое, што гэта не прымроілася, пацвярджаецца і фотаздымкамі, піша «Мінская праўда».

Фота з сацсетак

Рэакцыі тое, што адбываецца, розныя. Хтосьці хвалюецца, што здаровы дзікі звер так проста да людзей з лесу не выйдзе, іншыя ж адзначаюць, што вонкава лісы на хворых не выглядаюць. 

Галоўны ветэрынарны доктар Крупскага раёна Леанід Гарун гаворыць:

«На сённяшні дзень сітуацыя такая: лісу бачылі ў горадзе, але сцвярджаць, што яна хворая на шаленства, можна толькі па факце адлову і лабараторнага пацверджання захворвання. Пакуль мы таксама не маем адказаў на пытанні: куды ліса пайшла сёння, і гэта адна жывёліна, якая заблукала, ці іх некалькі?»

Фота з сацсетак

Аднак жа калі нешта праясніцца больш дакладна, а паводзіны ды стан лісы будуць выклікаць падазрэнне, то ва ўладаў ёсць гатовыя планы дзеяння: супрацоўнікі ЖКГ выязджаюць на месца, адлоўліваюць жывёліну і перадаюць яе ў ветэрынарную службу для правядзення лабараторнага даследавання. 

«Калі вынік захворвання на шаленства дзікай жывёлы пацвярджаецца, то мы прымаем каранцінныя меры. Калі вынік адмоўны — можна не хвалявацца. Хачу падкрэсліць, што паніка — не лепшы сябар чалавека, і заўсёды трэба дзейнічаць па факце. Магчыма, лісы проста шукалі сабе ежу каля жылля чалавека. А так як у нас цяпер у кожнага ёсць тэлефон з фотакамерай, яны і трапілі ў аб'ектывы гараджан», — гаворыць спецыяліст, звяртаючы ўвагу на неабходнасць абавязковай прафілактыкі і раз на год прышчэплівання ад шаленства хатніх гадаванцаў.

Каментары1

  • Yahor
    22.02.2025
    Хах, жыву зараз ў Польшчы і рэгулярна бачу ліс у горадзе:) ніхто паніку не падымае, лісы разумныя і звычайна ад людзей трымаюцца падалей, не падыходзяць

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць