Свет55

Стала вядома, якім можа быць «лёгкі першы крок» Трампа, калі Расія праігнаруе ягоны ультыматум

Паводле інфармацыі выдання Financial Times, адміністрацыя прэзідэнта ЗША Дональда Трампа разглядае магчымасць увядзення новых санкцый супраць так званага расійскага «ценявога флоту», калі Расія не дамовіцца з Украінай аб мірным урэгуляванні канфлікту да пятніцы, 8 жніўня. Крыніцы газеты назвалі гэта «лёгкім першым крокам».

Дональд Трамп. Фота: AP Photo/Alex Brandon

Гаворка ідзе пра нафтаносныя і іншыя танкеры, якія Расія выкарыстоўвае для абыходу ўжо наяўных накладзеных на яе санкцый, у тым ліку для паставак нафты. Яшчэ падчас прэзідэнцтва Джо Байдэна ЗША ўвялі санкцыі супраць больш чым 200 танкераў. Трамп жа, які імкнецца да мірнага ўрэгулявання, раней устрымліваўся ад накладання на Расію новых абмежаванняў.

Паводле інфармацыі Financial Times, Трамп прыме канчатковае рашэнне адносна санкцый пасля вяртання ў Вашынгтон свайго спецпасланніка Стыва Уіткафа, які павінен прыехаць у Расію 6 ці 7 жніўня. Калі той вернецца без канкрэтных вынікаў, адзін з суразмоўцаў газеты мяркуе, што «Трамп раз'юшыцца».

Аналітык Кевін Бук з ClearView Energy Partners мяркуе, што такія санкцыі ўмацуюць абмежавальныя меры Еўрасаюза, які ў ліпені прыняў 18-ы пакет санкцый. Тады пад санкцыі трапілі яшчэ 105 танкераў, і цяпер агулам яны накладзеныя на 415 суднаў. Таксама ЕС зменшыў цэнавую столь на расійскую нафту з $60 да $47,6 за барэль.

Як вядома, 29 ліпеня Дональд Трамп абвясціў новы ультыматум Расіі на 10 дзён для таго, каб за гэты час быў дасягнуты прагрэс у мірным урэгуляванні. Ранейшы ультыматум, на 50 дзён, пачаўся 14 ліпеня. Калі пасля гэтага не будзе зрухаў, Трамп пагражае ўвесці другасныя пошліны памерам да 100% на гандлёвых партнёраў Расіі.

У Крамлі на гэта адрэагавалі, што санкцыі, маўляў, увогуле незаконныя, а размаўляць з Расіяй мовай ультыматумаў немагчыма. Прэзідэнт Расіі Уладзімір Пуцін раней называў адмену санкцый адной з умоў мірнага вырашэння канфлікту ва Украіне.

Каментары5

  • трэба нафтy давесці да 32-33 USD і патрымаць там некалькі месяцаў
    05.08.2025
    Жвір , уся скрадзеная ў сібірскіх народаў нафта , пад санкцыямі, нафтавыя танкеры, грашовыя пералікі за нафту, убесьпячэньне , Масква працуе па чорнаму , я бачыў лічбы 35-42 USD. Хутчэй за усё каля 37-39 , трэба давесці да 32-33 USD і патрымаць там некалькі месяцаў, і Трамп гэта цудоўна ведае.
  • Пустамеля
    05.08.2025
    Вось так першы срок і пройдзе геніянальна лапідарна
  • Ничегошеньки этот путинский агент не сделает
    05.08.2025
    Просто тянет время

Цяпер чытаюць

Від на Каложскую царкву безнадзейна сапсаваны16

Від на Каложскую царкву безнадзейна сапсаваны

Усе навіны →
Усе навіны

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой57

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін10

Навукоўцы прыдумалі аднаразовыя кубачкі для кавы без кроплі пластыку2

больш чытаных навін
больш лайканых навін

Від на Каложскую царкву безнадзейна сапсаваны16

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць