Грамадства66

Беларуская чыгунка збіраецца замовіць у Stadler 65 цягнікоў. Але швейцарцы казалі, што завод у Фаніпалі стаіць без працы

Намеснік начальніка Беларускай чыгункі заявіў, што завод працуе, нягледзячы на санкцыі. А дзяржава збіралася стварыць на яго базе беларуска-расійскае прадпрыемства.

Беларуская чыгунка збіраецца заказаць у завода «Штадлер Мінск» 65 цягнікоў.

Першы намеснік начальніка Беларускай чыгункі Аляксандр Харашэвіч расказаў, што дамова прадугледжвае пастаўку 30 электрычак і 35 дызеляў. Яе падпішуць у найбліжэйшы час, паведамляе «Точка».

«Заключаем літаральна на гэтым тыдні кантракт са Stadler на вытворчасць маторвагоннага рухомага саставу, прычым як электра-, так і дызель-. Новыя саставы будуць накіраваныя на ўнутрырэспубліканскае злучэнне. Эканомклас, міжрэгіянальны бізнэс-клас, гарадскі рух», — сказаў Харашэвіч.

Тэрміны, у якія новыя цягнікі паступяць на чыгунку, ён раскрываць не стаў. 

Між тым раней паведамлялася, што завод у Фаніпалі з-за санкцый практычна спыніў працу. У 2022 годзе швейцарская кампанія рэлакавала частку супрацоўнікаў і сур'ёзна скараціла штат з 2000 да 200 чалавек. Але ў Stadler пры гэтым заявілі, што не збіраюцца прадаваць прадпрыемства і плануюць аднавіць вытворчасць пасля зняцця санкцый.

У апошняй гадавой справаздачы Stadler сцвярджалася, што беларускі завод застаецца ва ўласнасці кампаніі, але працуе на мінімальнай загрузцы.

«Завод працягвае аказваць паслугі па вытворчасці кузаваў і кампанентаў аўтамабіляў, а таксама ў галіне інжынірынгу ў строгай адпаведнасці з усімі санкцыямі», — паведамлялі ў карпарацыі.

Акрамя таго, у БЧ узніклі цяжкасці нават з рамонтам цягнікоў «Штадлер». На шэрагу маршрутаў іх сталі замяняць на старыя электрычкі.

Аднак намеснік начальніка БЧ заяўляе, што завод не прастойвае і закупляе камплектуючыя ў іншых краінах.

«Ён не сыходзіў і не прыпыняўся, ён працуе. Так, ёсць складанасці з пастаўкай пэўных камплектуючых. Але свет жа не зацыклены на адной Еўропе ці на якіх-небудзь пэўных краінах, вытворцах. Знаходзім варыянты», — заявіў Харашэвіч.

Па яго словах, усе 65 саставаў, якія заказвае БЧ, збяруць у Фаніпалі.

У верасні 2024 года ў Міністэрстве транспарту Беларусі заявілі, што збіраюцца развіваць «беларускае прадпрыемства» «Штадлер Мінск» у супрацоўніцтве з расійскімі інвестарамі. Сярод іх называліся «Трансмашхолдынг» і «Група «Сінара».

Але ў швейцарскай карпарацыі Stadler тады заявілі, што ім не паведамлялі пра перамовы з расійскімі кампаніямі і яны не ўдзельнічаюць у іх.

«Завод у Мінску на 100% належыць Stadler, таксама карпарацыя ў поўнай меры выконвае патрабаванні міжнародных санкцый. Продаж не плануецца», — запэўнівалі ў Stadler.

Кіраўнік карпарацыі тады не бачыў ніякіх прыкмет, што «ў Беларусі ёсць якія-небудзь планы па змене структуры ўласнасці нашага мінскага завода».

Прадстаўнік Stadler Марк Мешэнмозэр сцвярджаў, што продаж завода ў Фаніпалі не плануецца. А кампанія не ўдзельнічала ні ў якіх дыскусіях паміж членамі беларускага ўрада і расійскімі кампаніямі.

Каментары6

  • Шляхцич Завальня
    28.08.2025
    Лукашисты живут в параллельной реальности
  • Swansea Sextet
    28.08.2025
    Тлумачэньне пахабнае проста цьфу
  • А где дньги Зин ? на штадлеры?
    28.08.2025
    А где дегьги Зин ? на штадлеры ?
    Железнодорожников сокращают, зарплаты оставшимся уменьшают, неужели для того, чтобы затариться штадлерами ? Кто обслуживать и ездить будет на новье ?
    Да и поборы минтранса никто не отменял, как и перевозку за счёт жд льготников.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»40

Стала вядома, як будзе выглядаць выпраўленая скульптура беларускай жанчыны ў Быхаве19

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай92

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць