Грамадства44

Рэканструкцыя Любчанскага замка актывізавалася, а ўваход у яго зрабілі платным

Любчанскі замак, заснаваны ў XVI стагоддзі, неаднаразова перабудоўваўся і быў моцна пашкоджаны падчас Першай сусветнай вайны. Рэстаўрацыя ў ім ідзе ўжо каля дваццаці гадоў, а апошнім часам яна стала больш актыўнай, заўважыў аўтар інстаграм-старонкі «Беларусь — интересно». 

Скрыншот з відэа

Цяпер у замку пабудаваныя дзве новыя вежы і будуецца драўляная сцяна. Некаторыя крытыкі звярнулі ўвагу, што драўляныя элементы прымыкаюць да бетоннага фундамента без гідраізаляцыі і могуць гніць. Аднак аўтар сам праверыў — на адным фрагменце сцены паміж бервяном і фундаментам ёсць рубероід, а першы пралёт ад паўночнай да ўсходняй вежы «паддамкрацяць і выправяць».

Са сцен замка адкрываецца прыгожы від на Нёман, а сам замак эфектна выглядае з моста праз раку.

Апошнім часам тут з'явілася новаўвядзенне — сімвалічная аплата памерам у адзін рубель за ўваход, падобна да платнага доступу ў двор Навагрудскага замка. 

Любчанскі замак знаходзіцца ў гарадскім пасёлку Любча Гродзенскай вобласці, на левым беразе Нёмана, за 150 кіламетраў ад Мінска. Ён быў заснаваны ў 1581 годзе магнатам Янам Кішкам. Замак з’яўляецца помнікам палацава-замкавай архітэктуры канца XVI — першай паловы XVII стагоддзя і ахоўваецца як гісторыка-культурная каштоўнасць Беларусі.

Замак перабудоўваўся некалькі разоў: у пачатку XVII стагоддзя яго рэканструяваў князь Крыштоф Радзівіл, а ў XVIII стагоддзі ён страціў абарончае прызначэнне. Падчас Першай сусветнай вайны палац быў часткова разбураны, а ў 1947—1949 гадах на яго падмурку была пабудаваная сярэдняя школа. Да сярэдзіны ХХ стагоддзя захаваліся толькі дзве вежы.

Рэстаўрацыя замка вядзецца з 1983 года. Быў распрацаваны шэраг праектаў аднаўлення (1986, 2004, 2013, 2017 гады), у межах якіх аднаўляліся Брамная і Кутняя вежы, абарончы мур, частка палаца Радзівілаў, драўляныя масты і іншыя пабудовы. Праекты ўлічвалі археалагічныя даследаванні і гістарычныя крыніцы.

Замкавы комплекс займае пагорак плошчай каля 0,7 га, з трох бакоў акружаны ровам, з чацвёртага — ракой. У плане — прамавугольнік 64×87 м, чатыры кутнія вежы, палац і крапасныя сцены таўшчынёй 1,3 м, якія ўтваралі ўнутраны двор. Ад чатырох вежаў захаваліся дзве: паўднёва-заходняя (Брамная) і паўднёва-ўсходняя. Вежы складзеныя з цэглы і валуноў, іх архітэктура спалучае рысы готыкі і рэнесансу.

У ХІХ стагоддзі на тэрыторыі замка існаваў мураваны палац з рысамі неаготыкі, дзе размяшчаліся залы, жылыя пакоі, гаспадарчыя памяшканні і кафляныя печкі. Па перыметры двора былі гаспадарчыя пабудовы, замкавы бровар і форткі.

Рэстаўрацыя замка працягваецца, уключаючы аднаўленне вежаў, муроў і часткі палаца, з захаваннем гістарычнай дакладнасці і матэрыяльнай аўтэнтычнасці.

Каментары4

  • Няўжо
    05.09.2025
    Казіятка?
  • Valadzimir
    05.09.2025
    Нешта я не зразумеў... Над звычайнай вуглавой абарончай вежай замка - барочны купал складанай формы!? У ранейшыя часы яны звычайна рабіліся, і зараз іх мы бачым, на вежах культавых будынкаў, бо, відаць, з-за складанасьці зрабіць такі купал было даволі нетанна. А над звычайнай абарончай вежай ён выглядае неяк дзіўнавата і, як мне здаецца, даволі абсурдна. Можа хто ведае - адкуль гэта ўзялі аўтары праекта рэстаўрацыі замка - на падставе нейкіх крыніц, ці... выцмакталі з пальца??
  • Reider
    06.09.2025
    Апошні абзац проста падман і скажэнне рэчаіснасці. Гэта наколькі трэба не разбірацца ў тэме і не лічыць патрэбным праверыць інфармацыю, каб напісаць "Рэстаўрацыя замка працягваецца, уключаючы аднаўленне вежаў, муроў і часткі палаца, з захаваннем гістарычнай дакладнасці і матэрыяльнай аўтэнтычнасці".
    На замку адбываецца поўная фальсіфікацыя аўтэнтыкі дзеля задавальнення амбіцый аднаго чалавека, работы вядуцца з парушэннем узгоднена праекта.
    Поўная некампетэнтнасць адказных за напісанне і размяшчэнне артыкула, ці свядомая рэклама.
    Дно

Цяпер чытаюць

Від на Каложскую царкву безнадзейна сапсаваны13

Від на Каложскую царкву безнадзейна сапсаваны

Усе навіны →
Усе навіны

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой57

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін10

Навукоўцы прыдумалі аднаразовыя кубачкі для кавы без кроплі пластыку2

больш чытаных навін
больш лайканых навін

Від на Каложскую царкву безнадзейна сапсаваны13

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць